青心直說 - 胡孟青 2013年5月16日
青心直說：政府唔加好過加 - 胡孟青
雖然小女子一向只負責油缸，米缸由另一半主持，但世界難撈，既然不是闊太，當另一半呻米貴廁紙貴時，亦絕不會對加價無動於衷。公務員薪酬趨勢指標出籠，高層淨加幅2.55%，中、低層公務員淨加幅為3.92%，加幅較去年小，與紀律部隊期望不低於7%，及多個公務員團體期望不低於4.2%的官方通脹率指標有很大距離。雖然表面上好過冇，但事實係衰過碼頭工人的9.8%加幅。
加薪幅度公務員嚇親
這個加薪幅度連官方公佈的通脹數字都未必追得上，況且市民真正感受到的，是牛肉價格今年升了23%，蔬菜價格亦升了17%，隧道加價11%，西醫門診的加幅都超過22%，四叔的煤氣(003)算有良心，只係加4.6%，總之就係加！加！加！
WhatsApp傳來一位就職紀律部隊朋友的短訊，問小女子究竟7仔?炭有冇加價，真係唔知，要問問另一半。
不少公務員甫見這個3.92%加薪數字，即時反應係有冇計錯？有冇搞錯！
假如政府要利用今次加薪去安撫民心，可能唔加好過加！此次公務員高不成、低不就的調整薪酬幅度，擺明預?公務員加不加薪都不會出現集體罷工或集體辭職。
一個高級警司可以加薪兩千頭，算是比上不足比下有餘，不要忘記，廉價宿舍福利更是非所有公務員可享。
但今時今日，個個新仔都係供MPF強迫金，冇長俸這回事，誰會像以前舊制下紀律部隊人員般，義無反顧搵條命同你搏？辭職或退休，拍拍屁股就走，反正阿公不會養足你一世，感情自然不一樣。
強積金帶來的反效果可見一斑，求神拜佛，最緊要天下太平。
胡孟青
獨立股評人
上一則: 財智語陸：炒供求股價可飛天 - 陳永陸
下一則: 金手指：證監想投行玩曬 - 孫柏文
青心直說 - 胡孟青 舊文