陸羽仁 BLOG 2013年7月29日
農業世界
2013/7/29 9:27:11
網誌分類: 經濟
美股真正強硬。杜指上周五朝早最多跌超過150點，午後又強力反彈，收市倒升3點至15559點。標普500指數漲1點，收1692點。總之美股一跌又搵到藉口反彈，顯示不少投資者搵位補貨，一跌就入市。
美國聯儲局今日開始一連兩日的議息會議，由於唔少分析都認為當局會於9月份開始收水，議息前夕，自然挑起市場對「退市」的負面情緒。不過，睇今期的美企業績，成績雖然超預期，但講實際數字普遍唔係好靚仔，唔少令業對未來兩季的盈利前景更係睇淡。
至目前為止，美企第二季度盈利增長仍由金融業領軍，如果不計金融企業，其他企業當中有63%的盈利超出預期，但平均銷售收入增長率只有4%。
不過，Haverford Investments研究部門負責人霍耶(Timothy Hoyle) 指出：「第二季度的企業盈利主要來自提高效率、降低開支以及更低的利率。看不到終端市場需求，因為這才是支撐股市上升的真正動力。」Yardeni Research首席投資官雅德尼(Ed Yardeni) 亦表示，「最近公佈的財報很難讓標普500指數衝上去。」
一向幽默的「量子基金」創辦人羅傑斯 (Jim Rogers) 上周出席創新另類投資策略年會 (Innovative alternative Investment Strategies) 時，建議債券基金經理應該辭職去做農夫，如果唔想做農夫的話，可以搬到『農業帶』去賣林寶堅尼跑車。
他認為債市長達 30 年的牛市已經結束，接下來很可能出現一樣長久的熊市；而美國農田及其他農產品的前景則非常好，位於美國中北部的地帶，目前就業、收入成長及存款都係全美第一，他預期未來，10年20年後，當地居民可能更加有錢，因為這是美國唯一一個地區經濟成長主要限制是產能有限，唔可以生產太多。
至於股市，羅傑斯提醒投資者要做好心理預備，牛市的終結期已經愈來愈近，屆時將會出現「大混亂，某至比 2001 年及 2008至09年時更糟糕」。他最後稱，水係投資天然資源的首選，不過他認為議不要投資水廠，因為「政治人物會公然吊死你」，建議鎖定運送、潔淨或過濾水資源的行業。
羅傑斯睇大勢唔錯，但未必捉中短期走勢，即使美股如佢所講，「牛市終結期愈來愈近」，但早一年遲一年發生都差好遠。但佢對農業的長線分析唔錯，新興國家點放慢都好，每都有億億聲的民眾步入吃得起肉、吃得飽肚的「前小康階段」，但農產品消費人口增長，但全球土地不會增長，形成資源樽頸，所以中長線看，農業是有前景的行業(羅傑斯建議後生仔去做呢個行業唔做金融)，農產品行可作長線投資(不是炒作商品)，可惜香港唔係有好多好的農業股可以投資。
陸羽仁
回應(2) 我想回應
陸羽仁 BLOG 舊文