魚樂無窮：國泰君安坐六望七格
■閻峰任主席的國泰君安，受惠滬港通，再加發盈喜，值得追捧。
好消息四方八面湧至，中港股市懶理美股回調，齊齊向北望。?巴再次在WhatsApp、Skype飛來飛去，戰友G一向沉著應戰，都忍唔住自爆好耐冇炒得咁起勁，戰友J剛外遊回港，急忙為投資組合重新建倉，戰友C收市冇耐，就話想快?開市，炒鬼派瘋狂程度可想而知。
盈喜護身圖表靚絕
但根據經紀所講，典型老散依然未入場，最多只係掟番?蟹貨出街，從相反理論睇，個市仲有排炒。另噚日提過?星級基金經理又開金口，睇死恒指今次衝唔穿25000，以佢睇樓市?往績，大家應該知道點做。
滬港通憧憬加中資股翻生，除?港交所(388)外，最受惠?肯定係一眾券商股，其中國泰君安(1788)有埋盈喜護身，錦上添花也。公司早前宣佈，受惠買賣及經紀業務收入、貸款及融資業務利息收入及企業融資業務收益全線勁升，預計中期多賺1.5倍，以去年同期賺1.4億銀計，即今年上半年可賺3.5億銀，年度化市盈率將降至15倍，盈利將創上市新高，但股價仍未破頂，唔買等幾時？
市傳國泰君安阿媽已接管上海證券，51%股權作價36億人仔，滬港通開車日子越近，國泰君安上海概念滿瀉，值得加分。睇埋圖表，噚日以大陽燭突破4月滬港通消息公佈日強大阻力，蟹貨完美消化，突破上市高位5.84元只係時間問題，坐六望七格，點睇都係今輪升浪buy and hold?最佳選擇。
唐牛
https://www.facebook.com/tongcow88
唐牛
魚樂無窮 - 唐牛 舊文