青心直說：求阿爺做全套
■恒地資產不斷升值，連四叔自己也忍唔住要不斷增持。資料圖片
宇宙最強大行高盛，近日趁大市牛牛皮皮，求求其其砌夠十加十，阿茂都識得揀選，但又未必買得齊的中港股應節，全部均屬各自領域龍頭，問師奶手上有幾多隻，大多不出三。
問師奶天喔(1219)?茶好唔好飲，十居其九只會答你韓劇《繼承者們》深情兼靚到冇朋友?李敏鎬金嘆好靚仔，問唔靚仔?男同事點睇，佢就會好理性咁答你味道幾好，而且勝在有好多果茶，價錢又較康師傅(322)抵，但康師傅?茶來來去去離不開幾款，客戶既要高性價比，又要多多新意；至於統一(220)，就予人只賣奶茶之印象。同一樽果茶，截然不同的答案。中港股市同氣連枝，如果說內地反貪反腐係最大型宏觀調控，人為的歌舞昇平就係更大的微刺激措施。本地樓市已屆連落?車?都要上番車的境界。本地股市經歷一星期的高處不勝寒後，師奶股蟻們又為升市吶喊，更自責上周被震走，昨日即急急再追貨。股民情緒是如此容易受到影響，心態都強不來，阿爺要你怎樣，必先令你瘋狂，阿爺明知8月經濟數據撻曬Q，8月份官方製造業PMI打斷五連升，趁未公佈前已總動員，四大行新增千億貸款，做戲做全套，存款流失要同時減少，港人近日情緒低落，舞高指數形同吸食情緒大麻，升勢有成交配合，即可激發七年之癢，果然高招，bingo！黎明請你不要來！怕見光死也。但願阿爺做戲做全套，不要半途而廢，讓中移動(941)重上130蚊，令蟹民甩難，阿們！
四叔奪地不會買錯
四叔增持恒地(012)，眼見內地無懼壞數據，索性繼續撐自己。恒地去年底每股資產淨值82.77元，中期業績資產淨值再增加逾3%，每股起碼值85元，買恒地，等於四叔打個六折給你買樓。集團資產不斷升值，股價卻原地踏步，連四叔自己也忍唔住不斷增持。然而，今天買與上個月買，折讓優惠都已不一樣，一個月前五五折，今天已極速縮到35%。集團主要透過收購市區重建項目，及更改新界土地用途以補充土儲，甚少在投標或拍賣場上以高價競逐土地。以47億奪得位於市區核心地段的尖沙咀中間道商用地，屬16年才逢一閏。近期陸續有市區舊樓重建項目資金回籠，13,800元的呎價，對恒地而言，只會買貴，不會買錯。
胡孟青
獨立股評人
胡孟青
青心直說 - 胡孟青 舊文