自成一格：萬聖節消費學
■今年美國女生萬聖節最hit打扮係《自殺特攻》的小醜女。 劇照
一個人的收入有幾多，可以從佢有幾捨得洗錢喺無聊嘢上睇出來；同樣地，一個國家的經濟是咪真正好轉，亦可以從佢哋有幾捨得洗錢喺節日上。
來到10月，美國大街小巷已經滿佈蜘蛛絲、南瓜燈，而平日空蕩蕩的
萬聖節服裝店，放工時間熙來攘往，擠得水泄不通。作為消費大國，過時過節洗嚇錢都好正常吖，今年美國女生最hit打扮成電影《自殺特攻》入面的小醜女Harley Quinn，服裝店一早賣到斷市又補貨。只不過今年興扮小醜女，下年又興第二樣，大部份人套衫都是買來著一次咁大把，下年咪又係買過新。
咁搞法，到底美國人平均洗幾多錢喺萬聖節呢？美國零售業聯合會上月預計，今年美國人將會花84億美元，即係約650億港元在萬聖節上，平均每人消費達83美元（643港元），較去年74.3美元，增幅逾一成，亦都係近11年來最高。
而萬聖節在美國節日消費排行榜中只佔第八位，最令到美國人荷包大出血，將會係11月尾的感恩節以及聖誕節，講緊全國消費額將會高達6,261億美元（約4.86萬億港元）！𠵱家不少大型零售商都瘋狂請季節工，幫手食大茶飯谷行年尾條數！
一次性消費闊佬咗，無謂錢洗多咗，購買力強咗，係咪反映美國經濟真的復蘇咗？等總統大選完之後，不明朗因素都掃除埋，睇怕耶媽12月都無藉口唔加息喇啩！
越野兔
https://www.facebook.com/Sailorrabbit/
本欄逢周五刊出
越野兔
自成一格 - 越野兔 舊文
來源 source: http://hk.apple.nextmedia.com