智取大市：任天堂唔係流嘅
■任天堂的Mario新遊戲未必如大家想像般劣。 資料圖片
美國加息一年要驚足8次，即係話息口敏感股、累人民幣貶值股份出年都會受考驗，肯定唔易炒，除非呢啲sector股價急跌，否則捨易取難之下，明年大多數時間要避開呢啲股份。不過港股一注獨贏中國概念多年後，你
會發現明年要避開大部份港股，港股基金惟有以巨額資金追逐有限嘅股票，令小眾股份更強勢。
早前產油國同意減產，有機會令石油市場提早趨向供求平衡。喺港股當中，要避開人民幣貶值問題嘅石油概念股，宏華（196）係少數嘅選擇，佢舊年只得18%收入來自中國，業務相當全球化。上周四大跌市佢唔跟跌，周五即向上突破，加息一役後明顯轉強，未來可能受惠海量資金去追逐有限嘅受惠股，有機會跑出。
Super Mario Run上周推出初期，似乎劣評多於好評，去到周五大家仍天真以為呢隻game玩兩個鐘可以爆機，小弟即刻試玩，點知真係可以兩粒鐘同你打爆6關。
然後猛然發覺，呢個只係tour模式，係畀你賺Toad Rally Tickets嘅其中一個途徑，真正玩法係利用呢啲tickets同人battle博升呢，小弟玩落覺得幾好玩，相信唔少人喺星期六日參透到遊戲好玩之處。如果周一任天堂股價低開後回穩的話，其實可以撈底一博。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com