一起飛
網絡圖片
慾望與願望的最大分別是：慾望係人都有，隨手沾來已經一大堆；願望是比較難 identify 的，甚至乎有啲人唔會有願望，因為願望是另一個層次的需求。慾望是無止境的，而願望是，一旦實現了，便是句號，便是滿足，便是快樂。
很久之前有個願望，最近得以實現，太爽。
什麼願望，容後
分享，先兜個圈子，說一件舊事。
廣告
好多學校都會有啲類似 mentorship program 嘅 gimmick (yes I call it a gimmick because the effect of a mentorship program rarely goes beyond that)，華仁當然唔例外。出來做事第二年，即係好很多年前，已經收到有關人士的邀請，希望我去 mentor 一兩個師弟。
要用葉朗程思想去 mentor 一個人，如果被 mentor 的那位沒有足夠智慧，即是悟性不夠，他會很容易在我影響之下走一條很歪的路。為了下一代著想，我婉拒了當一個 mentor 的榮幸。
廣告
但在很多年前的一個晚上，有位世叔伯介紹佢個仔畀我認識，咁啱佢個仔又係讀緊華仁，於是世叔伯就話「不如你做佢 mentor 啦」。
詳情冇乜需要交代，唯一可以講嘅係，呢位當時讀緊中六嘅小朋友好 buy 我，但我好唔 buy 佢。原因係，出嚟食過一兩次飯之後，彼此的交談中，我覺得佢唔知乜嘢係「義氣」。比如說，有啲佢認為「對前途有幫助」嘅活動或人物，佢唔會同佢朋友講，而背後嘅 rationale 佢自己都講得好清楚，呢啲嘢「梗係唔益街坊啦」。
誠然，街坊是不用講義氣的，但他們是你的朋友，不是街坊。
Forget about confidence, forget about intelligence, forget about power.
那些從骨子裏 man 出來的男人，散發出來的熱力就是義氣。
最基本的義氣就是在外人面前，無論自己人啱定唔啱，撐咗先算。
其他人我唔知，但作為華仁仔，必定是本著猿王 Caesar 那種 Ape shall never kill Ape 的精神，在一個公開平台上，永遠唔會指名道姓講一個華仁仔壞話。無論呢個華仁仔嘅公眾印象有幾差，都唔會多講一句。世界上可以講嘅嘢何其多，點解要自己人踩自己人？假惺惺說句「我都係想為佢好」而在公開平台上大造文章，是很 kai 的，因為真係想為佢好，私底下的交流會最真摰，且有效。
義氣不是討論對錯，義氣是願意撐還是不願意撐。
講番嗰個實現咗嘅願望。
當年初出茅廬，身邊個個都好 junior，但幾個死黨曾經講過，如果第時我哋可以一齊做同一單 deal 就好喇。
今日願望實現，收獲比想像中豐富，因為過程中，每個人把自己的利益放到最後，竟然。
唔係話，互相合作的旅程上，沒有批評、沒有分歧、沒有發洩。
而是，出了亂子的時候，很戲劇化地，每個人要第一時間爭住出來做孭鑊的那個羔羊。
就好像我們最愛唱的「古惑仔」主題曲一樣。
No，no，no，不是一般人唱到難那首「友情歲月」。
其實「友情歲月」呢首歌點樣代表到義氣？諗爆頭都 get 唔到。
奔波的風雨裏，不羈的醒與醉，所有故事像已發生飄泊歲月裏？噏乜春天。
忘記「友情歲月」吧。
歌頌兄弟的情誼，要唱「一起飛」。
假使，未共滴過淚，今天怎可以，同愉快至此。
假使，未共受過罪，那裏有資格，說出心意。
經歷過真正義氣的兄弟，唱呢首歌會喊。
義氣兩個字，唔係你話有就有。
義氣是一個過程，一種體會，一段經歷，一段「只要是為你便會撐到世界盡頭」的經歷。
作者facebook專頁
來源 source: http://thestandnews.com
生活 - 葉朗程 舊文