智取大市：亂局建倉第一式
■中石化股價上周破頂，未來走勢仍可看好。 資料圖片
上周三市場氣氛高漲些少，上周四二萬三即有震倉，唔少人領嘢後，恒指周五又回升，但熱炒板塊收窄，主要係石油、煤炭同汽車股炒得起，其餘都係悶。
上期講過，呢種玩法實在太趕客，港股只會惡性循環，越嚟越少人玩。遠嘅唔
講咁多，先講近期短線策略，為免下次氣氛升溫時追貨，轉頭即刻接火棒要輸錢，未來只能吼兩類股：第一，集中注碼，見回吐即買最強勢大股，博重覆去年下半年滙控（005）之強勢，然後避開其他隨時成為陷阱的主流大價股；第二，等氣氛再好啲，其餘注碼等機會博次線落後股份。
最強勢大股，毋庸置疑一定係石油股，中石油（857）同中石化（386）上周五分別升2.6%及3.6%，齊齊破頂，最主要因為市場已經扭轉油價弱勢嘅預期，雖然油價仍然低，但中石油及中石化市賬率分別只得0.87倍同0.95倍，低估值已經反映低油價、低業績，更重要係兩桶油股價走勢遠遠比油價為佳，買入呢兩隻股後，即使油價唔上唔落，股價都大有機會升。
大戶資金好明顯當兩桶油係滙控、賭股翻版，要重新建倉的話，呢兩桶油會係首選。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com