Gambling 101
依賴「賭」發達的大家族都會有一個簡單的家規。
那就是，作為家族成員，你一蚊都唔可以賭。
如果一旦被人發現你賭，sorry，一毫子身家都唔會分畀你。
廣告
當然，there is always an exception，就係除非你做莊。
不過做莊都要食腦，因為賠
率好緊要，例如曼聯對南華，冇理由曼聯贏嘅賠率會大過南華贏。
廣告
This is Gambling 101，賠率越高，代表贏面越細。
子公司而家要選 CEO ，所以城中熱話就是，喂，你覺得邊個會贏呀？懶型嗰啲梗係話，晨早內定咗啦，咪呀邊個囉。
最終結果係男贏定女贏，我唔知，而冇人應該扮知，因為真相係，雖然其中一個係贏面高啲，但裏面嘅結果其實真係未定。
咁邊個贏面高啲？好簡單，你諗嚇邊個係 make decision 嗰位，你就會知邊個贏面高啲。
咁邊個 make decision 呀？子公司選 CEO，梗係母公司 make decision。
咁母公司嘅 decision 係邊個 make 㗎？梗係主席啦。
嚟到呢度，問題就係，主席想邊個贏？
不談政治，只談邏輯，and our logic should be based on facts。
Fact one，子公司的前任 CEO，被狠狠的「下了架」。
Fact two，子公司的 CEO 候選人之一，即是那個女的，被標籤為前任 CEO 的 2.0。
其實仲有 fact three 和 fact four，不過我先講 fact one 和 fact two。
一字咁淺，母公司主席既然拉得前任 CEO 落嚟，會唔會捧番個民望同作風都同前任如出一轍嘅 2.0 上去？
而家主席想轉口味吖嘛，難得攞咗隻蕉落嚟，就係想擺包薯片上飯枱。
如果你覺得女候選人會選到，咁即係話主席攞完一隻焦落嚟又擺番另一隻蕉上去？好得閒咩。
Fact three，母公司是一個機構，而每個機構之內都總會有派別之分。
Fact four，以主席為首的主席派肯定個勢最強，但以其他人為首的其他派也總會有丁點兒力量。
因此，就算女候選人明顯前境暗淡，也能在其他派出盡九牛二虎之力下成功入圍。
認清真正的 underdog，你就知道賠率應該點定啦。
題外話，唔識政治唔講邏輯都學嚇睇樣啦。
佢呢啲叫做妹仔相，能夠在有生之年做過我們的 number two，已經叫做超額完成，可以光宗耀祖了。
作者facebook專頁
來源 source: http://thestandnews.com
生活 - 葉朗程 舊文