對沖國度 - 黃國英 2017年3月24日
近期炒市不炒股，策略上蝕了一章，不過期指依然可逢低買上。接近月尾末日期權槓桿高，如怕冒過高風險，小注買Call博大升亦是個好選擇。
至於想順應潮流炒股不炒市，建議主力從業績公布中尋寶，寧願在業績後追買，好過在公布業績前亂咁博。
前景好至係催化劑
大部分升得勁的股份，都是在公布佳績後段段
快放，一來可能是今時今日上市公司都守規矩，已經沒有甚麼春江鴨；二來是港股長期以來估值偏低，大家對前景信心有改善後，潛在升幅頗大，但升幅很少會一步到位，始終持貨者不少都有食咗先講傾向，令到初段升幅受限制，追貨依然有肉食。
反而在業績前扮醒目炒定先，中伏機會較大，尤其今次其中一個主題是賭派息增加，這件事是否發生繫於管理層一念之間。何況加派息只是小事，前景好才是股價催化劑，所以在公布好業績後，判斷仍有水位之後去追買，勝算遠好過賭派息。
從佳績股走勢中，可以領悟出今時今日散戶劣勢相對上已經少，絕對是件好事，應該花更多心思在股市之上，亦不必走歪路鑽研甚麼財技爾虞我詐。
豐盛金融資產管理董事 黃國英（作者為註冊持牌人士）
Money18更多即時港股指數資訊
上一則
下一則
對沖國度 - 黃國英 舊文