魚樂無窮：
未來三日博一棍
■大新金融擬派特別息，可趁整固買入。圖為大新金融主席王守業。 資料圖片
互聯網威力無遠弗屆，簡單一部手機，已可以幫你做盡衣食住行所有動作，以往唔見銀包好大件事，今時今日，唔見手機係世界末日。
傳統行業則越來越難做，尤以零售業最大鑊。不是嗎？網購已經搶去大部
份生意，仲要每月交租畀地主會。大商場越做越大，因為有大型連鎖店撐住，強強聯手形成良性循環，甚麼細場劏場全部靜蠅蠅，死得嘅死執得嘅執。
「呢啲嘢使你講？快啲入正題！」果然醒目，本欄噚日開始首次透過facebook推介股票，call嘉利國際（1050）即日到價，雖然受惠戰友不多（因為買入價較保守，跟足指令做應買唔到），但表現尚算ok，戰友反應亦熱烈。成功踏出全網上推介第一步，唔想走雞嘅，快啲like唐牛專頁喇。
大摩一份報告吹起中銀香港（2388），全日升6.3%創新高，最新股息率依然有5.1厘，係咪太著數？其實去年中期派咗特別息，所以不能作準。大新金融（440）早前公佈完成出售人壽及保險業務，擬派特別息每股6.6元，集團將於本周四開會議決，趁整固買入，博嚟緊三日炒番轉，諗得過。
唐牛
http://www.fb.com/tongcow88
本欄逢周二、四刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
唐牛
魚樂無窮 - 唐牛 舊文
來源 source: http://hk.apple.nextmedia.com