財路：食正國策協合抵玩
■協合平通街，兼食住阿爺環保國策，有排玩。 互聯網圖片
協合新能源（182）喺咁多隻潔能瓣數當中，預測PE得3倍單位數，平通街，食住阿爺環保國策，兼有排玩。
協合主打潔能設計、採購施工、電廠投資同有關運行維護瓣數。呢期兼轉化經營模式，通過「建成、投產、再出售」。
再
睇國策。「13.5」，環保國策仍然係鐵膽，國家能源局向11個省下達媒電管制，要求停建或緩建85個項目，總涉1.09億千瓦裝機容量。又按規劃，中國今年計劃新風電廠裝機規模2000萬千瓦，又2020年，全國風電同太陽能裝機，要去到2.1億同1.1億千瓦以上。
睇到係，阿爺以潔能代煤嘅國策好清晰明確，煤電同潔能之間此消彼長，協合通過建設再出售瓣數，食到應一應。
事實亦係咁，協合上年完成出售陝西榆陽光伏項目，兼喺上年底簽署咗陝西榆神光伏項目轉讓協議，市場有需求，呢瓣有排玩。
場內專業預測，協合新能源今、明、後三年EPS7.8仙、9.1仙同9.2仙，三年預測PE，跌到得4.5倍、3.9倍同3.8倍，今、明兩年預估PB得0.5倍同0.46倍。
場內主打風電設備、電場建設嘅金風科技（2208），同期預測PE8.8倍、8.2倍同7.7倍；上海電氣（2727）更加去到18.7倍、17倍同16.9倍。其他潔能營運商，包括華電褔新（816），三年預測PE6.4倍、5.4倍，同4.7倍。協合點比，依然係至平！
協合現價0.355元，股價單比起今年2月高位0.455元，再累跌超過20%，比起大股東China Wind Power2015年增持成本0.6元，同2013年引資華電褔新成本價0.43元，都係講緊潛水，現水位買協合，平過呢兩板成本。
又當協合今年預測PE目標，追番上最近磅嘅華電褔新6.4倍水位，協合都講緊要升42%，到0.5元。
錢雋
細價股專家
本欄逢周二刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
錢雋
財路 - 錢雋 舊文
來源 source: http://hk.apple.nextmedia.com