實力取勝 - 陳承龍 2017年11月24日
【實力取勝】我．返．嚟．喇！（陳承龍）（第152期）
2017-11-23 17:54:43
大家都知小弟之前小病一場，無論係公司業務定係炒股上面都被逼要停滯一輪，好彩公司運作上有高明同圖太郎支持，喺小弟小病時都維持公司正常運作，家陣小弟痊癒強勢回歸，公司業務仲唔蒸蒸日上、炒股仲唔贏大穫？
加上之前小弟同圖太郎同圖太座行蚺蛇尖，領悟到行山同做嘢一樣，唔可以半途而廢，決心做一件事，堅持堅持再堅持，唔好嘅嘢唔做，對件事有幫助嘅就做足啲，咪可以行到上頂咯。其實做生意同炒股咪一樣，都係一斷登頂，上完一座山又搵另一座山挑戰。
講返個市，港股喺小弟缺席嘅時候，一路都喺29000點唔上唔落，大家睇資金流同圖表都未必明係咩事，但係小弟靜心休養就明白發生咩事。冇錯，個市就係要等埋小弟返埋位先行，唔單止咁，小弟復出之後，仲要特登跌300跌俾小弟上埋車先開車，所以都咪話唔勁。
小弟唔似啲人無憑無據無啦啦話自己賺過千萬，11月15日星期三港股小跌，騰訊（00700.HK）仲跌落383元，小弟做節目同Nicole衝咗呢隻「勵志牛」騰訊瑞銀牛（60550.HK），現場直播有曬幾錄，翌日騰訊股價開波，隻牛升成點小弟就無謂認威認到盡，自己上報價機睇啦！總之，小弟同拍擋Nicole，仲有觀眾都一齊贏·大·鑊！
當然呢個都只係熱身，證明我啲運返嚟喇，焦點當然會放返落我啲愛股度，近排社長推介就梗係隻比亞迪（01211.HK）啦，新經濟概念之下，升幅將會同騰訊同平保睇齊，成為下一隻長升長有股。
詳細股份基本分析，今期同事已經喺《今期要睇住》做咗，所以大家可以揭去睇，但對於資本市場，小弟都可以吹兩嘴，比亞迪作為龍頭，很多基金迫著要買。加上不信的儍瓜對沖基金又沽空了很多，多得主席前天講去到2025年希望會去到一萬億人民幣生意額，由現在的一千億。繼續挾爆空倉，很容易因為貨源歸邊。信主席者就信股價越升越有，不信的是因為覺得主席左點右點，我只說一句，股神畢菲特揸住大約25%的H股，估計主席也不會亂點喇，得罪不起股神，因為祂的支持很重要，來支持股價和以他名義擴充生意。
連沽空界巨頭渾水研究嘅Carson Block都話港股難沽，亦都話短時間未必再沾手港股，其他不知名對沖基金沽空比亞迪注定要做炮灰，並且成為挾淡倉一大力量，比亞迪股價前途只有升、升，同埋升。
實力取勝 - 陳承龍 舊文
來源 source: http://www.winmoney.hk