一路一帶：居屋上車的絕望真相
■今年新居屋申請反應熱烈。資料圖片
2018已經過了一個季度，身邊的朋友都被熾熱的本地樓市灼得像熱油上的螞蟻般，恨不得爬上樹上，很多人期望股市會大跌，樓市都會跟住調整，朋友問今年可以入市嗎？等到明年平幾嚿？
筆者並不是先知，亦不想只講自住樓幾時買都冇問題
這種基本嘢，但單看今年新居屋推出的情況，就知道短期內樓市很難調整，應該說，呢7萬名抽唔中居屋的買家，等住跌市搶平貨，你心目中的單位要跌兩成，更加難買到。
房委會直到目前單是派表都派咗14萬份，仍未計網上下載及郵寄的申請者。居屋家庭月入是低過5.7萬元左右，單身人士為2.8萬元左右，按照常理，不計父幹等因素，這批中低收入人士，買私樓比較困難，公屋又上唔到，租普通樓住亦算能負擔得起，這批居屋申請者購樓意欲十分旺盛，但只是購買力不足。要買新居屋，至少要有30至50萬積蓄才成事（另外還有一批零資金、靠P Loan借首期，2年內到上車前還清再上會的買家），全港300至500萬樓的需求強勁，買不起私樓主除了樓價太高，過不了壓力測試亦是主要原因，很多人期望今年股樓大跌，但筆者覺得不切實際。
假設當400萬樓跌至300萬水平，今年7萬名白表申請者肯肯定會狗衝去買呢批貨，呢批買家其實並非人人有自住需求，當抽六合彩及投資心態，在無壓力測試這條難關後，都是想等數年後，享受價樓升值同時再樓換樓、搬大屋。本來拎住100萬首期，想買三百幾四百萬豆腐潤單位的你，突然多咗7萬個人同你爭（仲未計近5萬名綠表人土），係咪感到好絕望呢？係咪仲相信400萬樓真係可以跌兩成？
儘管這個只是粗略計算，其中亦有很多分支家庭靠家人出錢上車，有失居屋原意，但在這種潛在需求急增之下，中價樓要變成細價樓，其實好難。現時居屋折扣低，政府增加入息上限來減少斷供風險，根本治標不治本，直接將折扣劈低點，轉售限制提高點，將BSD稅加大點，上車先有少少希望。
斯郎
斯郎
~TITLE_S~一路一帶 - 斯郎 2018年4月12日 舊文
來源 source: http://hk.finance.appledaily.com