【大茶飯】手機產業的噩夢（青冰）
如今國產手機華為及中興被美國打壓，真正對產業鏈的影響仍未浮現，概念股股價可能先行一步，但一些做零件代工的工業股，訂單肯定受影響，而佢地亦未必作自願公告提醒你，如果你仲拎住去年份亮麗業績去計數，咁可能你只會愈買愈平，最後遇上盈警。更多
上星期個個講中興(0763
)，但最大鑊的應該是生死未蔔的投資者，一日未復牌，都唔知要輸幾多，上星期五管理層開咗個記者會，歷時10分鐘，話制裁令公司面臨休克但有信心渡過難關，跟住就散會，如果股東聽到肯定不爽啦，感覺到管理層自己都好迷茫，草草交代便算。
手機行業另一個壞消息，就是台積電下調今年收入目標，股價急挫6%，到晚上的美國市，更拖累蘋果電腦跌4%，無他嘅，台積電有兩成收入來自蘋果，你唔掂即係反映iphone唔掂，再睇番港股，蘋概股瑞聲(2018)亦應聲跌7%。
這個手機產業鏈在過去兩年都長升長有，但最近半年的已由盛轉衰，別以為iphone唔掂，會益咗三星，但你睇舜宇(2382)走勢，雖仍比瑞聲為佳，但亦明顯轉弱，至於其他二線的手機概念，丘鈦(1478)及比亞迪電子(0285)，更是從去年高位跌逾五成。如今國產手機華為及中興被美國打壓，真正對產業鏈的影響仍未浮現，概念股股價可能先行一步，但一些做零件代工的工業股，訂單肯定受影響，而佢地亦未必作自願公告提醒你，如果你仲拎住去年份亮麗業績去計數，咁可能你只會愈買愈平，最後遇上盈警。
今年的投資環境相當困難，概念股較短癮，現階段挑選要避開的行業，應較容易，手機股肯定是其中之一，除非中興及華為之事，有突破性的發展，否則今年都係有反彈無升幅。聽聞侵侵即將提交報告予國會，話呢兩間公司及聯想(0992)是間諜企業，所以聯想亦需要避開，不過佢地股價長年積弱，大家對佢應該興趣不大嘅，唔知係咪要顯示國家支持，中證監上周五公佈首隻H股全流通的試點公司，竟是聯想的控股公司聯想控股(3396)，但現時這個市況推全流通，市場只會諗到沽貨套現，而不是炒高出貨，所以如果想追入聯想控股，要三思啊。
Fb個人專頁 http://www.fb.com/chingbing888
大茶飯 - 青冰 舊文
來源 source: http://hk.finance.yahoo.com