【實力取勝】中國搞軍工鞍鋼受惠（陳承龍）（第171期）
2018-4-5 9:00:17
大市喺復活節假前後好波動，殼股生日股點好炒都好，都要講講個大市。杜指1月時去到26600點係有啲貴，依家由22倍PE回到落20倍，所有好、壞消息已經反映，預計會喺23000-24500間上上
落落，歐盟28個國家嘅經濟同政局都有不明朗因素，搞到後市冇方向。
恒指同A50依家PE 12倍，華夏滬深（03188.HK）係15倍，中國2017嘅企業盈利增長平均大約25%，即係香港同A50嘅PE應該回落到10倍，3188就落到12倍左右。所以，只要有很少歐美嘅環球資金流向中國同香港，就可能有幾千億美元，即係幾萬億人民幣，A股已經可以大升。不過A50雖好，但小弟覺得由於MSCI買嘅會係233隻股票，所以呢幾個月3188嗰300隻股票會跑贏。3188喺2015最高時係67蚊，現價得50蚊左右，相差26%，如果想玩窩輪，3188隻14302幾好，現價$0.151，10對1，換股價$52.52，但最緊要係8月27日先到期，可以玩盡由5月開始入MSCI嘅過程。
中國唔會想美國咁做「世界警察」，不過如果「一帶一路」實現咗，咁中國必須要有一個強大同先進嘅海軍來維護沿著「一帶一路」自身利益。但係中國唔似美國咁喺世界很多國家留底軍事同空軍基地，例如喺日本、菲律賓、印度、土耳其、歐洲多國等。
所以，中國一定需要一支強大嘅海軍，可以闖盪世界每個角落，同埋有先進嘅戰鬥機群陪伴，即係話：航空母艦。每一隻航母都需要七至八隻唔同用途嘅戰艦護航。再者，越嚟越多島嶼主權爭議，同中國很長嘅海岸線，中國更需要一支強大海軍，來抗衡美國嘅海軍勢力。美國有11隻航空母艦戰爭群遍佈全球，中國只有兩隻航母，正研發第三隻，有軍事專家估計中國起碼需要六隻，同很多現代化嘅護衛艦。
其實中國好重視造船工業，但可惜中國冇乜軍工企業上市，不像美國嘅United Technologies Corporation（UTX），股價用22年由$8升至$123，Lockheed Martin Corporation（LMT）用18年由$20升至$333。不過，我哋間接投資喺相關企業，最明顯嘅就係製造所有戰艦同航母需要嘅鋼鐵，首選就係鞍鋼（00347.HK）， 因為佢生產好多船隻用嘅特別鋼板。
實力取勝 - 陳承龍 舊文
來源 source: http://www.winmoney.hk