經濟客艙 - Captain Cool 2018年5月28日
經濟客艙：迷失世代高危
■美國聖路易斯聯儲銀行最近發表研究報告，發現八、九十後面臨成為「迷失世代」高危。 資料圖片
港人經常呻買樓又細又貴，甚至有90後為了圓置業夢，不惜5蚊都要儲。90後嘅「上車」心聲，反映現實已經向這群未來社會棟樑作出善意嘅提醒，「𠵱家仲唔儲，將來乜都冇」。
美國聖路易斯聯儲銀行最近發表研究報告，追蹤於不同年代出生嘅人，了解佢哋嘅累積財富能力，分別包括30至40年代、50年代、60年至70年代、80年代至90年代出世嘅人，結果發現八、九十後面臨成為「迷失世代」高危，累積財富能力較七十年代及六十年代嘅人遜色。報告指這群八、九十後經歷了金融海嘯，遇上最差時代，亦錯失了資產飛升嘅黃金機會，主因往後數年未必再會遇瘋狂上漲嘅市況。他們累積財富能力差，主因被債務困身，未正式搵到工作前已背負一筆學費貸款，償還學生貸款後，為安居置業就背負二十或三十年按揭供款。
大家或者覺得研究報告結果唔感意外，美國研究報告未必可以放諸於香港或其他社會，但某程度又確切反映社會現況。就算真係做咗「迷失世代」，又唔駛將問題睇到好似5蚊銀咁大，因為份報告話呢代人有學歷同時間，追落後亦可以扭轉劣勢。
FB page：http://fb.com/seeforcaptain/
Captain Cool
經濟客艙 - Captain Cool 舊文
來源 source: http://hk.finance.appledaily.com