【股場解密】金利豐技術性見底（歐陽風）
2018-6-1 10:00:20
A股入摩，今次MSCI換馬有好多短線投機賺錢機會，例如利福國際（01212.HK）這類平日成交不多的股票，就提供了上佳挾股價上升令指數基金搶貨的機會，炒家咁做形同向指數基金打刧，一旦之內要買咁多貨，搶高買
貴至少50%，低位買定貨的炒家認真醒目。
換馬過後。卻要掉轉來做，利福根本長期成交量低，趁現在指數基金搶貴哂，長期投資者、炒家們今日還不出貨更待何時？之後指數基金即使買貨亦只會慢慢買，唔會好似今日咁瘋癲。
掉轉去諗，被剔除出MSCI指數的金利豐（01031.HK），卻是10年難得一現的短炒好機會，受到被指股權高度集中、股份被剔出指數系列拖累，公司股價自去年12月高位10.3元一直下跌，至今跌幅達到73%，半年無事無幹跌73%，只因技術因素又太過份了一點。
即使撇除公司股價自去年8月至12月的這段喪炒期，金利豐現價仍遠低於公司長期平均價4元至4.2元。點解公司股價咁跌法？理由十分簡單，因剔出指數後指數基金有沽無買，人同此心，大戶小戶都唔會急於出手接貨，等基金賤價沽完貨才慢慢買回，實行賺到盡。
今日換馬關鍵日金利豐成交了2.72億股及7.54億元，是3年來最大成交量，指數基金要沽的應該都沽得八八九九。咁大成交，指數基金沽了誰就買了？當然是實力投資者，留意早前David-Webb指金利豐大股東手持74.6%股份，連同其他十幾個股東持貨90%，即係街貨極為稀少，挾完呢批基金貨，日後東山再起話都無咁易。
股場解密 - 歐陽風 舊文
來源 source: http://www.winmoney.hk