金手指：降準冇用H大升
■香港銀行同業拆息升，供樓業主受累。
拜讀李怡兄「誤判」一文，孫柏文見到李怡兄話：「中國對美國的誤判是以為美國只是要錢，於是提出700億美元採購。以為老美見錢眼開，貿易戰就休兵啦。」而係美帝要求真．公平貿易。呢點我非常認同。
不過，「公平」呢嘢嘢，好似啲偉大嘅
港女話齋，係好講feel。大陸中央開咩貿易條件，首先係要考慮美帝老百姓有冇feel先？習大大可能要學小平同志咁，要落力做戲，下次去花旗國帶頂牛仔帽，唔好再話自己咩大國崛起，唔好好似對香港咁，表面好多白紙黑字話例如「港人治港」，不過身體最誠實咁排山倒海搞小動作。如果唔係，就有如我兩周前嗰篇「貿戰幾時真．打完」講過話咁，沒完沒了嘅貿戰。
不過對個市來講，貿戰只係side show。由09年起，其實炒來炒去得一樣最基本因素，就係貨幣供應。香港銀行同業拆息爆升，齋睇香港業主嘅反應會好有趣。不過周末大陸降準，香港股市冇受惠，呢個feel好差。未似有07年大奇蹟日嗰種著咗火，見消防隊出現嘅亢奮。
最後，見施永青喺佢份嘢提話大陸樓係佢GDP嘅四倍，300萬億人民幣。而當年日本與美國樓市爆煲時，總市值都係GDP兩倍左右。如大陸爆，破壞力會十分龐大，例如嚴重通縮，需求大減等。
不過大陸唔同他國。外匯管制程度，達提款走要坐洗頭艇回國級別。所以今次點部署？香港人（特別袋裏啲錢）真係要搵地方避避。
孫柏文
獨立股評人
http://fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.finance.appledaily.com