【實力取勝】細價股溫床逐漸浮現（陳承龍）（第191期）
2018-8-23 15:00:55
個市真係冇乜力，小弟作為長期大好友，都要轉淡啦，主要原因係中美兩國宣佈重啟貿易戰談判，個市都係冇力彈，好多大股都有沽盤，加上圖表上出現咗真．死亡交叉，14日內後彈唔返上去，後市就會惡搞
啲。跟據往績，出現咗真．死亡交叉後，個市都要大半年先見到底，所以短期大市，就只有反彈，唔會有大升。
但係大市差還大市差，反而仲有利細價股，因為啲錢唔多嘅時候，炒大股點都炒唔鬱，不過同一舊錢拎去細股市場，就足以興波作浪，細價股未來會有運行。
大家睇下CEC國際（00759.HK）嘅例子，林偉駿病逝後，博其賣盤嘅買盤瘋狂掃貨，證明好多遊資喺市場，只係規模唔大，炒唔鬱個市，但個別炒細價股，就輕輕鬆鬆都炒得起。除咗CEC國際，恒騰網絡（00136.HK）、奧瑪仕（00959.HK）都炒得唔錯，double comfirm到資金要細唔要大，細股未來有運行。
短期心水，都係半新股恒達科技（01725.HK）、奧瑪仕，同埋留意「12點半陳承龍」啦，即係喺下晝直播時段推介嘅即市股票，近排好多都升得幾好丫，新城市建設發展（00456.HK）越升越有，有跟買都應該有錢賺，中國民生金融（00245.HK）都升得唔錯，未來都會為讀者發掘更多當炒嘅細價股。
實力取勝 - 陳承龍 舊文
來源 source: http://www.winmoney.hk