孫柏文靠慢食瘦身
孫柏文成功減肥，在半年間勁減80磅。
金融人多應酬，每人都有一個減肥養生的方法，其中以獨立股評人孫柏文，在半年間勁減80磅最為經典。
2011年孫柏文當黑，體重達262磅的他，醉酒主持節目被有線炒魷；緊接在家中絆倒而「咬斷脷」，經歷男人最痛；繼而被商台以「搵唔到廣告」
為由，腰斬節目，同年更被慘封「燈神」。不過他創出另一番「成績」，就是減肥。半年間勁減80磅，秘訣很簡單：「慢慢食。」期後減至180多磅。
當年記者與他在尖沙咀扒房，每人點一份牛扒配薯條。孫柏文幾乎把牛扒切片，並逐片吃；一條薯條，又切幾段分幾口吃，儼如有儀態的lady。他成功減肥後，血壓降低了，不用再食藥，是生理上的影響；而心理上，「個人好似成熟咗，想寸人嘅時候，無人認得我。」他還省下不少吃方面的開支。
郭思治飲酒適可而止
至於在圈內出名注重健康的民眾證券董事總經理郭思治，練得一身肌肉。他平時飲酒適可而止，並定期做身體檢查。他曾指，雖然從事金融不時要出席飯局，但仍可以節制飲食，「我都不時出席飯局，我都完全唔食，問題係你自己享唔享受食嘢，如果你自己享受食嘢，又享受飲酒，可能就攝取過多脂肪。」他又指，「如果你後生，新陳代謝強，情況都未必咁嚴重。如果你去到50歲左右，年紀大都唔檢點，到出事就可能會比較嚴重。」
郭思治又勸好友，上斜行傷心，落斜行傷膝，所以要盡量揀平路行，「做gym行機，也記得不要調校至上斜路。」
金手指 - 孫柏文 舊文
來源 source: http://hk.finance.appledaily.com