智取大市 - 晉佳 2019年3月11日
智取大市：工業股尋寶之法 - 晉佳
貿易戰前嘅瑞聲，曾經完美示範做到行業霸主之餘，股價長遠一浪高於一浪。但喺 適中字型 較大字型
前排講過適用於退休投資嘅幾年長期投資如何揀股，配合長線規劃，每項股票投資唔一定要長擺幾年，其中可以選擇有潛質嘅周期股，喺經濟周期偏弱之時吸納至周期高位，股價往往能夠破頂。
周期股裏面，工業股佔一部份。工業股大概分3個層次，第一層次，主業做到一定規模，但同時到咗成熟階段，未來只能食老本，如果行業、主打產品被淘汰就食蕉。
第二個層次，擁有做到一定規模嘅主業，然後不停尋找、開發新產品，他日往往有新產品收入貢獻取代被淘汰嘅舊產品，令佢哋無論喺乜嘢日子，好似小強咁死唔去。呢類工業股為數最多，但即使個位數PE加上股息率高，投資價值仍一般。
第三層次，為數較少亦最優質，主業做到行業霸主，冇被淘汰風險之餘，主業雖然隨周期上落，但同時有能力開發新產品、或進入新行業，提供增長，呢類最強嘅工業股，股價、盈利都逃不過周期起落，但長遠每幾年往往能夠喺周期高位時創新高，長遠一浪高於一浪。原本貿易戰前嘅瑞聲（2018）就係完美示範，但喺𠵱家政治因素下，光環已廢。有投資價值嘅工業股，稍後再講。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com