亮說亮話 - 湯文亮 2019年5月28日
馬上成為壹會員
會員註冊/登入
【亮說亮話】留番錢等執平貨 - 湯文亮
香港樓市已是強弩之末，貿易戰只是催化劑，有錢不如留著傍身，大把機會執平貨。 資料圖片 適中字型 較大字型
在農曆新年之後，樓市好似脫韁野馬，升到唔識得停止，中原指數連升15個星期，睇好樓市的人不理會大環境對對樓市影響，連聲叫好之餘還肯定中原指數在這個星期五破頂。我雖然也是睇好樓市，但沒有他們那麼樂觀，我認為中原指數會開始下跌。
中美貿易摩擦繼續升溫，睇唔到在短期內可以解決，特朗普還有3千多億美元中國進口貨物可以徵收關稅。中美貿易戰重創香港經濟，任何人問我現在是否買樓的好時機，我都會話有錢不如留著傍身。
貿易戰唔知打到幾時，如果去到今年底，樓價最少比現在跌10%，抵消了這15星期升幅。如果去到明年底，我真的不敢想像。不過有一件事可以肯定，就是有錢就有大把機會執平貨，現在睇好樓市的人，雖然話貿易戰對香港樓市沒有影響，但有很多人身體力行，買咗樓都會撻訂，不過報道較為少一些。
除了撻訂個案大幅增加之外，就是新樓銷售大幅減少，五月份上半月與下半月分別很大，這代表打算買樓的人有所警惕，所以我亦不用講太多。其實，就算沒有中美貿易戰，樓市去到五月已經是強弩之末，貿易戰只是一個催化劑，是很勁的催化劑。我只是不明白一些評論員心態，見到大環境如此，還叫人買樓買樓，講一句小心當積福。
湯文亮
mailto:jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com