中環在線 - 李華華 2019年9月5日
【中環在線】盈富年報出錯 有冇得索償？ - 李華華
盈富年報「資產淨值報表」欄寫錯了日期。 適中字型 較大字型
盈富基金（2800）嘅2019年中期年報只得19版，但「資產淨值報表」嗰欄日期明明應該係「二零一八年十二月三十一日」，就竟然寫咗「二零一九年十二月三十一日」。話說英文版就冇出現呢個問題嘅，不過如果有人因為睇錯中文版而作出投資，追究起上嚟，後果會否好嚴重呢？
信永中和管理合夥人盧華基就話，香港上市規則一切以英文版為準，中文版只係繙譯錯誤，對比英文版出錯嘅嚴重程度低好多，而且好多公司慣例會列明「在進行任何交易以英文版為準」等字眼，所以真係有錯嘅話，公司毋需負責任。不過如果係A股，由於文件一向以中文版為主，就好難一概而論。
如果有投資者因為年報錯誤資料引致投資失利，可唔可以索償呢？立信德豪會計師事務所董事林鴻恩話，投資者要證明自己係因為睇咗呢啲錯誤資料而導致有投資損失，呢個門檻喺香港都頗高。佢認為公司至少要喺聯交所刊登澄清聲明，亦應該印刷正確嘅年報畀股東。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com