大棋局 - Mr. Tregunter 2019年9月3日
【大棋局】2020庚子躁動（五） - Mr. Tregunter
中國構建的社會契約，就係人民唔好理咁多嘢，所有事情交畀共產黨決定，生活就會越來越好。 資料圖片 適中字型 較大字型
你有冇諗過，要同特朗普或習近平建立聯繫，中間需隔幾多人？6個。六度分隔理論係哈佛大學教授Stanley Milgram提出的概念，任何兩條友，只要透過6個人，一定搵到同對方有關係。當時只係概念，真相要等到facebook出現。2016年facebook研究近16億用戶，得出結果比6還要少，只要3.57人。
學者著眼的係搵真相，從政者著眼的，係點樣利用。中國當下要面對兩個社會管治問題：
其一，一旦開放市場會導致共產黨對人民的掌控力下降。好簡單，當市場可以自由競爭時，內地人會買國產奶粉定外國奶粉？中國政府可否隨意逼外國公司炒示威者？當政府對經濟之掌控力度下降，意味好多過去要你硬食之手段會被削弱。於是，中共相中一個認為可以逆時代嘅做法，就係靠科技。如果話掌握了社交媒體大數據，就掌握了人民的人脈網絡及言論，社會信用評分、天眼系統、人臉辨識、步態識別、晶片校服……就連人民生活的一切舉止亦掌握。
經濟下行衝擊社會契約
其二，經濟下行會衝擊內地之社會契約。人同國家嘅關係可以用社會契約嚟解釋，人生而自由，但群居時需要一定秩序。這個秩序是犧牲部份個人自由，去換取有益於社會群體的穩定性，亦包括得到新的社會權利。西方先進國家已過渡為民主制，人民有權參與構建社會秩序，人民有權發聲，個人權利應受多少保障。但中國冇，中國自70年代末改革開放後，以宣傳去構建一套社會契約。也就係人民你唔好理咁多嘢，所有事情交畀共產黨決定，你生活會越來越好。問題癥結就出在，當中國經濟上行時，好多社會問題會被蓋過或壓過，但當中國經濟下行時，過去的宣傳口徑就不再有用。
社會契約之內涵，會隨時勢而變異。霍布斯17世紀寫下一本《利維坦》，其寫作背景係英國處於內戰，所以霍布斯推崇絕對威權。因為戰亂時代，冇嘢緊要得過保障人身安全。當時的社會契約，係人民放棄自由換人身安全。中國並無戰亂，卻嘗試全方位監控人民，係一次利維坦來襲。結果是未雨綢繆，還是自己埋下躁動？從處理香港問題的手法嚟睇，後者居多。分享第五曲，André Rieu演繹《The Godfather》。
https://youtu.be/qSxxQcVd2MU
待續
Mr. Tregunter
本欄逢周二刊出
大棋局 - Mr. Tregunter 舊文
來源 source: http://hk.finance.appledaily.com