智取大市 - 晉佳 2019年11月13日
【智取大市】林太的保命哲學 - 晉佳
林太上京見完兩位老細後，回港後不似有任何改變。佢根本冇當香港人係乜一回事。 資料圖片 適中字型 較大字型
做打工仔，如果要同時服侍兩位老細，仲要兩位老細一人有自己一套，夾住中間嘅話，注定呢份工冇發圍。
問題就係喺林太身上，當然，做佢個位要有膊頭有承擔有抱負，斷不應當係一份工咁簡單，偏偏佢就當呢份係只服侍兩位老細嘅工。林太36年間，喺政府20個唔同崗位能夠生存兼上位，流住就係公務員嘅血，向來係唔做唔錯嘅文官一名，周旋喺兩位老細之間，要佢有破局能力？諗都唔好諗。
話說兩位老細，就係代表兩個唔同派系，兩個派系各有盤算。就喺四中全會過後嘅11月初，原定林太北上見其中一位老細，點知前兩日就有另一位更高位嘅老細打尖接見。結果兩位老細都對外肯定林太表現，林太猛然發覺，原來唔做唔錯暫時係冇事的，只怪她個腦只足夠諗到暫時嘅事。於是返到香港，繼續用佢36年打滾官場嘅學生公開試presentation技巧，再面對全香港人，當然火燒得越嚟越大。
林太回港後亦不似有任何改變，莫非兩派系喺四中全會未傾掂數，不變應萬變？定係兩派共識正正係越亂越好？大家明知以目前趨勢，局勢只會越亂，仇恨只會去到更高點。可恨的是，林太根本冇當香港人係乜嘢一回事了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com