操盤手札記 - 割柑人 2019年11月19日
【操盤手劄記】豬年豬瘟鼠年鼠疫 - 割柑人
中國生物製藥首席執行長謝炳。資料圖片 適中字型 較大字型
人道災難！警民衝突激化，繼血染中環交易廣場後，輪到大學校園浴血，中大、理大淪為戰場。胡適喺「五四運動」一周年時講過：「荒唐的中年老年人鬧下了亂子，卻要未成年的學生拋棄學業，荒廢光陰，來幹涉糾正，這是天下最不經濟的事。」
美國國會及行政當局中國委員會（CECC）主席Jim McGovern，喺Twitter呼籲中港政府克制，聲言「The world is watching」。參議院已就《香港人權與民主法案》啟動「熱線」機制，美東周一下午3時（香港周二淩晨4時）開會審議，勢將通過。
法案通過，可能影響中美貿易談判進程。不過，由於中美經貿高官再通電話，雙方唱好接近敲定協議，美股三大指數上周五破頂，港股周一承接升勢，升1.35%，收26681；但本地局勢未明，估計只係借勢反彈，後市有機回試26000關支持。
中國受非洲豬瘟疫情影響，豬肉供應緊張，10月豬肉價格按年飆升101.3%，帶動CPI按年上升3.8%，高過預期。人民生活已經艱難，點知豬瘟未平，鼠疫又起。繼北京上周二證實兩名來自內蒙古患者確診肺鼠疫後，周日內蒙古又確診一宗腺鼠疫。
鼠疫早於《舊約聖經》中已出現，歷史記載亦有三次跨洲傳染，首次發生喺6世紀，疫情持續超過50年；第二次發生喺14世紀，造成歐洲三分一人口死亡，據講係由中國商人同蒙古軍隊傳入；第三次發生喺17世紀，中國喺崇禎十六年爆發。
豬瘟喺中國肆虐已超過一年，鼠疫又點？難道豬年豬瘟，鼠年鼠疫？喺「健康中國2030」國策下，中國藥廠加快對重症疾病嘅藥物研發。不過，針對鼠疫疫苗資訊甚少，治療主要係靠抗生素。中國生物製藥（1177）有產銷鹽酸美他環素，不妨留意。
割柑人
本欄逢周二刊出
操盤手札記 - 割柑人 舊文
來源 source: http://hk.entertainment.appledaily.com