魚樂無窮 - 唐牛 2019年11月19日
【魚樂無窮】股市硬淨樓市難冧 - 唐牛
以往股市大冧，觸發信心危機，才逼令實力不足或較膽小的業主掟貨，但這情況明顯未出現。資料圖片 適中字型 較大字型
用平行時空來形容昨日的股市表現，相信冇人會反對。本港政局周六日急劇惡化，但港股卻絲毫無損，恒指更以接近全日高位收市，與上星期表現截然不同。從來股市都係有性格的，尤以現時政治因素主導下，更加係冇得估，賭方向要主觀，但當走勢與預期不同，便要客觀地執生。
股市硬淨，樓價何嘗不是？在放寬首置九成按揭樓價上限後，中原城市領先指數重上180點水平。唔少人問，明明香港核心價值正在消退，點解樓價仲咁硬淨？講過好多次，樓市近年出現調整，往往因為股市大冧，觸發信心危機，才迫令實力不足或較膽小的業主掟貨，但這情況明顯未見出現，究竟係時辰未到，抑或得個等字，要由時間去驗證。
《蘋果》引述有證券行發表調查，指逾七成散戶今年以來，在股市的投資回報平均少於一成，由於寫法較簡單，唔知個base係講緊「有賺錢的散戶中的七成」，定係「接受調查的所有散戶的七成」。如果前者就合理，因為今年難炒程度，不會比去年低，只因有了去年貿易戰的經驗，才會較易應付。如果係後者，我便十分驚訝，十個炒股九個輸，半個打和半個贏，竟然有七成人贏錢，只能解釋那間行特別多高手了。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.entertainment.appledaily.com