金手指 - 孫柏文 2019年11月19日
【金手指】今日之亂 局局有份 - 孫柏文
阿里巴巴選擇在香港亂局未平息之際上市，難免惹人聯想。資料圖片 適中字型 較大字型
周末，孫柏文收到師妹施宇琪嘅短訊：「我有個預感政府呢幾個禮拜內會跪低求和。」我當然問點解。佢話：「我哋上次傾偈時嘅結論係今次要完，一係市民投降，一係政府拖到啲人冇氣力去繼續。而阿里巴巴（9988）就上市……」
我問：「馬雲要林鄭跪低？」佢答：「No la。不過阿里巴巴裏面啲人，一定知啲嘢，起碼會知啲決策時間表，如果唔係都唔會揀嗰日來港上市掛牌。咁全世界包括政府自己，都見到政府點樣將暴力升級，啲勇武都奉陪，而啲和理非亦唔割席，所以收科之路得一條。」
我又問：「我可唔可以將妳呢個阿里論寫出來？開埋名？」佢答：「Lol sure。」仲有，各局嘅鴨官們，仲估呢次係純「反送中」咁簡單，所以一切照舊咁做。佢哋低能唔明今日呢個場面，係局局都有份搞出來。最近續買東江水建議、推禁電子煙草案上立法會等，真係好乸似個負責火爐加油、盡忠職守嘅唐氏綜合症員工，因成間舖已著曬火，其他人忙逃生或救火下，冇同佢講停，所以佢繼續加油。直至焚毀一切。
希望在人間。今個周末，希望有奇蹟。奇跡不是在建制大敗，這已是預期之內。奇蹟係當建制大敗後，能代表政府嘅人，越高越好，可以講一句：「香港老百姓的聲音，我們聽見了。」
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com