金手指 - 孫柏文 2019年11月5日
【金手指】一注獨贏買甲烷 - 孫柏文
Gazprom為俄羅斯最大天然氣企業。 資料圖片 適中字型 較大字型
呢排喺美帝加州，當地嘅電力公司PG&E，話「為安全」向自己客戶停電。一停就幾百萬戶。官方理由，係因之前試過啲傳電系統出事，燒到附近啲樹，引至大火。所以為防火停電。點知，我周末就聽到個解釋，我覺得合邏輯好多。
事源加州硬膠當道，而硬膠中，呢期以環保膠佔道德高地之頂峯。結果就係環保膠自我感覺良好嘅風力、太陽能嘅電產能不斷上升。仲要法例迫啲人要先向呢啲來源買電。係咁嘅情況，邊會吸引到資金去投資起燒煤、油、氣嘅發電廠？
不過因風力、太陽能供應唔穩定，一旦發唔夠電，就要向傳統發電廠買電。不過因州政府「政績」係取締呢啲傳統發電廠，所以州內買少見少。PG&E就要向州外嘅發電廠買電，咁人哋見你冇電，當然抬價。而唔俾加價轉嫁成本，喺破產邊緣嘅PG&E，就索性玩停電算。
點都好，當世界越來越多唔穩定嘅風力、太陽能，賺最多嘅就係提供備用嘅發電廠。不過呢啲廠一定要有快速開關能力。所以燒煤嗰啲都要蝕。賺嘅就係燒天然氣、即甲烷嘅廠。
所以環保膠越當打，甲烷就會越被使用。這就是未來。大家可以買美國天然氣期貨或俄羅斯天然氣股份Gazprom。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com