佬編有位朋友叫Anson（化名），專長是玩dating app。原來，受武漢肺炎影響，他的dating app「生意」近來也大幅受挫。
Work from home久了，多多少少有點空虛寂寞凍，照道理來說，dating app的用戶應該反而會逆市上升。「感覺上女係多咗」Anson說，「但係就結果嚟講，食嘅女差咗，而且難咗。」
文字交流倒沒有問題，抗疫資訊、口罩供應熱點、work from home心得，無窮無盡的衍生話題，在瘟疫蔓延之時，大概連毒L也懂得閒話家常。
「同埋我都算好彩㗎喇」他說自己有車有樓，起碼有機會約出來相見。「好多女仔直頭唔想出嚟，咁我起碼都可以揸車接佢遊嚇車河，又可以帶佢返屋企。」這樣想起來，疫情大概加劇了交配，呀sor，交友市場的貧富懸殊，或者政府的防疫抗疫基金也可以想辦法幫助受影響的一群。
「最大問題是口罩啊。」正如佬編之前所說，想像力能帶你到最美好的天堂。口罩下的港女，就像斷臂的維納斯，留白之下人人都是女神。「有啲女仔，直頭上到車都唔肯除罩，我又唔好意思開聲除人個罩。」咁車佢去飲杯嘢囉。「唔係唔得，但好多時一除罩先發覺嘥時間，仲要嘥埋油。」原來玩dating app還要講成本效益的。
那倒不如趁機休息一下？「唔得！」Anson突然激動。「然而幾個女仔既然還肯出來，你不能說決沒有食中警嫂的希望。」突然quote魯迅，佬編也為之語塞，只希望他在交友之餘，不要忘記過去大半年的種種。
佬訊
http://fb.com/loshunhk/
佬訊專欄 舊文
來源 source: http://hk.entertainment.appledaily.com