2020年2月7日
對香港人來說，今個新年真是既難忘又奄悶，明明約好親戚朋友拜年聚舊，點知要留喺屋企瞓覺、食飯、睇書、煲碟、check WhatsApp自我隔離。有醫學報告話哩隻新型病毒同2003年沙士同種，但傳播力更高，好危險，好多市民覺得啲菌仲勁過沙士，樓價咪隨時會大跌七成！ 哩隻咁嘅病毒會令樓價跌幾多，今次就同大家加計一計數！
與沙士情況相似
今天與2003年的情況有很多相似的地方，先有香港經濟不斷轉差，失業率上升，國內生產總值（GDP）負增長，後有新型病毒入侵，2003年未有大陸旅客嚟香港，今天大陸旅客就唔嚟香港；當年政府弱勢，今天政府更弱雞，歷史好像正在重演當中！
宜家同大家仔細睇睇當年七成樓價實情係點跌法的。樓市大跌第一波正是1997年席捲東南亞的亞洲金融風暴，當時香港樓市存在極大泡沫，而家庭負擔包括按揭貸款偏高，加上部分地產發展商過度借貸，樓價指數由1997年10月最高位的102點下跌至2000年3月的53點，跌幅接近五成。
切勿自亂陣腳
第二波就係全球科網泡沫爆破，當時只要在公司名字加上「e-」或「.com」字尾，其股價就會爆升，形成大量泡沫。及至2000年3月NASDAQ（納斯達克綜合指數）升至5,048點最高點後爆破，全球股市亦步入熊市，樓價指數由2000年3月的53點下跌至2003年2月的35點，跌幅約24%。
第三波就是2003年沙士病毒，當時香港變成疫埠，經濟雪上加霜，百業蕭條，人心惶惶，筆者還記得好多人好驚好灰，唔知下一個中招的會唔會係自己，相比今天的情況嚴重過百倍。而樓價指數就由2003年2月的35點下跌至同年8月中的32點，咁大件事跌幅都係10%，之後樓價大幅回升至今天的177點。
明顯當年疫症沒有令樓價大跌三、五、七成，只令樓價加速見底。而今天與當年的不同之處是香港政府及市民對生意識及防疫措施大大提高，像2003年大規模爆發的機會很微，因此大家不要自亂陣腳。再加上全球低息環境及量化寬鬆仍持續，以及住宅未來供應仍然短缺下，樓價大跌三、五、七成就無可能喇，但跌返3%、5%、7%都應該有機會嘅。
2020年2月7日 舊文
來源 source: http://imoney.hket.com