【操盤手劄記】新舊經濟又交替（割柑人）
上周，中港股市以至美股相繼轉弱，當中，美股更見拋售潮，尤其科技股，究竟係累積升幅過大出現技術性調整，抑或係出現「明斯基時刻」（Minsky moment），即資產價格因過度投機而致「價崩」？美股會唔會冧，除咗睇係咪炒過籠，仲要睇聯儲局取態，若果
持續放水，則冇咁快冧市。
此外，上周有兩單地緣政治事件，亦要注意風險。其一，中印邊界再爆衝突，印度加碼封殺中國App；其二，德國繼法國後推出印太戰略，中歐關係轉向。喺中美科技戰惡化，中芯（981）可能步華為、中興（763）後塵被美國列入貿易黑名單之際，印度再禁118款中國App，包括百度、淘寶、支付寶、企業微信，而美加澳紐日印英法意又已相繼排除華為5G設備，中國科技嘅軟硬件喺海外接連失利。
周一，中港股市分別再跌1.9%同0.4%，恒指納入阿里巴巴（9988）、小米（1810）、藥明生物（2269）生效，但喺科技戰陰霾下，科技股繼續捱沽。恒指收24,589，喺100天線爭持，下一支持位睇今輪升浪回調黃金比率50%，約24000水平。雖然肺疫造就宅經濟，利好新經濟股，但隨著疫情逐漸受控，限制逐步鬆綁，加上中秋、國慶假期臨近，消費意欲回升，舊經濟股亦回暖。
當中，藍籌REIT領展（823）上周三升破3月高位引伸嘅下降軌阻力，隨後兩日企於阻力線上，確認突破。美銀睇好領展喺本地消費市場有較大接觸面，大摩亦指7月超市零售銷售按年增26.5%，而領展有35%租金收入嚟自超市同街市，另有28%嚟自餐飲，係收租股中比重最高，可望跑贏同業。此外，海外收購亦成業務動力，加上本月重啟回購，有助支持股價。
割柑人
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS / Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！
操盤手札記 - 割柑人 舊文
來源 source: http://hk.news.appledaily.com