大棋局 - Mr. Tregunter 2020年9月7日
【大棋局】聯儲局唔覺意露底牌（Mr. Tregunter）
負利率作為一個新貨幣政策工具，市場共識係寬鬆政策。
聯儲局將「通脹目標」改為「平均通脹目標」，最重要目的，係提高「預期通脹率」。即希望大眾認為嚟緊通脹會越來越高，而且高過2%聯儲局都唔加息住，等於放訊息畀市場：你炒啦。
當預期通脹率提高後，原本遠期利率升幅會多於短期利率，孳線曲線會拗上。但現下情況又驚利率上揚打殘經濟，容許通脹高於目標。可高於目標幾多？幾耐？聯儲局自己都唔知道。於是出現一個怪象，聯儲局長遠希望孳線曲線拗番上，但短期又要將利率控制於低水平，會令孳息曲線平坦，等於將孳線曲線問題暫時放埋一邊。其中一個解釋係要積儲力量，等經濟增長見到苗頭先再修訂。上述係聯儲局希望市場跟佢咁行。
然而現實上央行控制市場預期並非萬試萬靈。比如伯南克08年推出超額存款準備金利率（IOER），顧名思義就係銀行將多餘錢泊在央行戶口所得之利率。伯南克原預期IOER會成為市場短期拆借息口下限，因為當存錢入央行都有0.25%又冇乜風險時，銀行梗係唔肯用平過呢口價借錢出街。結果卻相反，聯邦基金有效利率一直在IOER之下，所謂下限變成封頂。於是聯儲局再推出隔夜逆回購作市場拆借息口下限，IOER變作上限，構成利率走廊。
近期另一例子仍在觀察，但值得留意。負利率作為一個新貨幣政策工具，市場共識係寬鬆政策。當銀行存錢入央行要畀利息央行，應該會信貸擴張。芝加哥商業交易所研究得出的結論相反，負利率似乎現實上會變成緊縮政策。具體體現在外匯市場，歐洲、日本、瑞士、瑞典4個央行先後實施負利率，4隻相關貨幣都於實行負利率幾星期內升值。之後就算再貶值，貶值速度比實行負利率前更慢。
由於現行負利率主要針對銀行而非大眾，等同向銀行抽稅。銀行衡量過市場風險後，寧願畀錢都不願意信貸擴張。例如去年歐元區銀行向歐洲央行支付76億歐元用於存放資金，在負利率下這筆金額仍在增加而非減少。
更重要係，負利率傳遞的訊息其實係央行對市場悲觀，銀行自然更加審慎，平均通脹目標恐怕都一樣。一句概括，央行想市場預期通脹，代表央行其實驚緊通縮。貨幣政策就如太陽與風的故事，想人除衫，係夾硬嚟定令佢自己除，會令人捉得更緊還是放開，是高低之別。想負利率有效需要數字貨幣配合，喜歡夾硬嚟者應該明白。
Mr. Tregunter
investMAN
For People of Style & Substance
掌握理財智慧 感受生活品味
http://investMAN.hk
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS / Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！
大棋局 - Mr. Tregunter 舊文
來源 source: http://hk.news.appledaily.com