士佳說 - 張士佳 2020年10月15日
【#士佳說 】張士佳： 視頻後延伸
【#士佳說 】張士佳： 視頻後延伸
昨日做了一個多小時的視頻，回覆了大部份粉絲的提問，對大市版塊及個股講了點近來的看法，趁未過時，大家可重溫：
我傷風未斷尾，講了個多小時，喉沙了，但仍有很多股未講，今日在此補充一下，在節目途中，大家聽到響了買入信號，即時話你知係#1458周黑鴨，黑鴨係黑馬，除了我，應無乜人貼，我係$6.X揸到現在，昨日$9再揸多些，加盟店已到400間，可能會超過先前管理層的目標，疫情期都能擴張，利害，為未來打高基礎，加上食黑鴨，係食味為主，現加入素鴨，如果成功，又可講成小BYND，不過，我未有做DD，未食過素黑鴨，唔知似唔似。
節目途中，只響了兩隻股票alert，一隻黑鴨，一隻阿里健康#241，#241就未買，響机只因昨日見異動，係提我留意，內地免疫規劃中心發布左個「疫苗服務平台2.0」，向全國所有接種單位開放呢個平台，就係透過#241apps找到入駐平台既接種單位，意味一旦疫苗研發成功，#241apps滲透率得以提高，如今日陽穿頂，就當京東健康影子股炒。
節目中有揭曉左先前講的低市值，服飾零售股係#2030卡賓，上次一講完，跌了三天，好在卡賓爭氣，升番上黎，昨日做陰，嫌多貨的朋友可走位，陽升穿3.19再買過，內循環消費股仍係目前重心持股。
講開內循環，都會講火鍋四寶，頤海國際#1579，海底撈#6862，九毛九#9922，呷哺呷哺#520先前講過我因為升太多了，最近買番隻最細的「責」下倉，其他睇定D再搞。
汽車股昨日發力，手上的長城#2333裂口上升，我都忍唔住又食一半，現在#2333得番1/4，當日的8.X買，當日無諗過會升咁多，比亞迪#1211上日陰燭食了尋日買番，見到Nio升咁多，其他汽油車公司如熱鍋上的螞蟻，刀片電池想停都停不了。內地9月汽車銷售量，同比又增，環比又增，其他車股都升，但我只集中兩隻算。
車賣得好，點都要用停車場，好在我早早為大家介紹了首程控股#697，從介紹至今，都升了3成有多，見陰燭食糊，再升穿頂才再炒。
＃261金碟尋日再升，我只係持有唔敢再加，加上FSLY美國盤後跌三成，話係受tiktok影響，按理對金碟冇影響，但貨太多，唔舒服，借啲意走先，等陽穿$24.5才入番。
昨日市場最關注當然是習大大在深圳的講話，而我昨日都講深圳最大的公司就是QQ＃700，結果ＱＱ以股價行動敬禮，升2.96%，創$574的歷史新高，配合鬥魚與虎牙宣佈，接受大股東#700提出的合併要約，在直播方面又下一城，加上iphone12試玩「英雄聯盟」之前針對#700的動作似無聲化解，所以我昨日連贏位的膽選了#700，劉熾平減持才佔佢持股1－2％，不算什麼。講開手遊，英雄聯盟呢d（MOBA）遊戲雖然勁HIT，但不要忽略，傳統的棋牌鬥地主，一樣可以令有關公司業績盈喜。
連贏位另一隻腳#3690，我就未買，跌番到$272附近或陽破$278.4我就會諗。講到好多股買咁，其實仲有好多，但唔想寫咁多，費事令大家有錯覺，以為好易炒，話曬大市升到248XX，移動平均線阻力，回番落黎，加上老美救市方案未出，又制裁螞蟻，疫苗叫停，回落係正常，今日開市跌200點，跌番去上日起步位243xx，係上上落落，等好消息炒上，炒股比炒市有揸拿，但係如果冇方法，亂咁來，好易將血汗錢奉獻。
士佳說 - 張士佳 舊文
來源 source: http://skycheung.weebly.com