魚樂無窮｜悶股起動走幾遠（唐牛）
■安樂工程主席潘樂陶。
權益披露顯示，股壇長毛David Webb最新增持安樂工程（1977）至逾5%，後者大股東不是別人，而係律政司司長鄭若驊丈夫潘樂陶，集團曾因鄭若驊被美國制裁，需出售美國附屬公司股權。不過，Webb接受傳媒訪問時強調，安樂工程政
治風險不大，看重嘅係估值及管治。睇睇報價機，安樂工程市盈率不足6倍，股息率近8厘，你就會明白Webb點解會出手。
Webb持有的港股不下十數隻，共通點係財務狀況靚爆鏡，兼且派息吸引，缺點係成交疏落，簡言之就係悶到爆，炒作催化劑唔係咁易有。Webb持股之一震雄（057）近日難得異動，事緣最新公佈盈喜，預期截至9月底止半年盈利增長逾1.1倍，主要受惠注塑機業務收益增長32%，以及生產規模經濟及效益提升，導致毛利率改善。
簡單計計數，去年中期賺3,410萬元，即今年中期賺7,161萬元，已為去年全年76%，但要留意，去年全年因出售台灣廠房推高業績，如果單計核心業務，今年首6個月理應跑贏曬，年度化市盈率落返10倍樓下。財務角度出發，又係例牌Webb最愛嘅︰手頭現金逾9億，相當於市值7成，股息率逾4厘，市賬率0.5倍，且看今轉炒業績，股價可以走幾遠。
唐牛
fb︰www.fb.com/tongcow88
YouTube︰https://www.youtube.com/channel/UCLwEpfQ6w1d-MUVlAS86QcQ?view_as=subscriber
-----------------------------
掌握理財智慧 感受生活品味
investMAN全新網頁 優雅登場
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
魚樂無窮 - 唐牛 舊文
來源 source: http://hk.news.appledaily.com