智取大市｜輝瑞變股市衝擊波（晉佳）
輝瑞疫苗對市場嘅震撼力，似乎不遜於拜登當選總統。
本欄近幾個月反覆提過好幾次，當疫苗誕生，實體經濟以至樓市都會開始向股市競爭資金，與此同時美國量寬嘅規模亦好可能減少，對於整體股市利淡多過利好。當疫苗消息成為振奮市場嘅消息時，掉返轉減持或許冇乜錯，尤
其喺股市幾日升咗咁多嘅時候。
資金一下子蜂擁疫情受累股博翻生，自然要從新經濟股抽資，科技股隨即裂口低開。隔晚美股，雲端、宅經濟股猶如股災，已知唔對路，但勢估唔到，美團（3690）旅遊業務明明可受惠疫情好轉，但市傳市監局提出平台經濟領域嘅反壟斷指南，令股價跌得咁慘烈，亦反映資金流向淩駕實際基本因素，而事實上，股價300蚊樓上亦已充份反映利好因素。美團股價單日急跌一成嘅話，都係史上第五高嘅收市價，今個星期嘅低位，其實係上星期嘅高位。如趁調整入貨，就要考慮上述疫苗誕生嘅因素對呢隻新股王嘅衝擊有幾大。
最後update一下，輝瑞疫苗效力勝預期，但佢隻疫苗需要喺零下80度左右溫度下儲存，令物流難度大增，之前推介過嘅冷鏈醫療物流股CYRX，股價因消息大升。根據報道，佢正在參與生產可以透過網上監測溫度嘅溫度計，喺運送疫苗過程中使用，而高層喺季績度亦提到，新收購MVE嘅低溫儲存設備亦因應武肺而接獲幾張政府定單，會唔會進一步受惠？值得留意。
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
智取大市 - 晉佳 舊文
來源 source: http://hk.news.appledaily.com