智取大市｜亞馬遜轉弱恐擴散（晉佳）
武肺疫苗即將推出，距離美國恢復實體經濟復蘇將邁進一大步，宅經濟股將首當其衝，率先轉弱嘅係宅經濟龍頭Amazon，加埋FB被控觸犯反壟斷法例嘅利淡因素之下，足夠令Amazon股價一再受制50天線而下跌，目前似進入2018年第四季或2019年下半年期間
嘅中線轉弱期，除非新業務出現大突破，否則未來幾個月難以擺脫易跌難升格局。不過，每逢出現短線單邊跌勢，又會成為低撈博反彈機會。
Amazon比較其他宅經濟股早一步轉弱，始終股份大隻，大型基金減持需時，難保弱勢慢慢感染至其他市值較低嘅宅經濟股。Freelance平台Fiverr高位回落幅度只得一成左右，雖說疫情令宅經濟嘅市場滲透率上升，已培養出普羅大眾嘅使用習慣，但實體經濟回復正常在望，市場總會憂慮對宅經濟衝擊，估計呢類股份全年業績公佈前，總會出現一輪短期沽壓。港股方面，港視（1137）又如何？暫時守住保歷加中軸，但於高位附近形成三頂，距離高位反彈一成又會有強大阻力，現價已欠勝算。
疫苗誕生前夕，疫苗股悉數回吐，Moderna單日跌8%後仍然喺5天線水平，至於輝瑞同樣守住5天線，未算轉弱，估計喺高位仍能反覆向上一段時間。美股跌市之下，3月始由聯合科技分拆出嚟嘅疫苗物流概念嘅開利（CARR）股價連續兩日反彈，樓上冇蟹貨，3月分拆至今升逾2倍，論累積升勢已不算太離譜，睇嚟股價要破頂難度唔高。
晉佳
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
智取大市 - 晉佳 舊文
來源 source: http://hk.news.appledaily.com