士佳說 - 張士佳 2020年12月24日
【#士佳說 】張士佳：年尾，股無放假
【#士佳說 】張士佳：年尾，股無放假
臨近年尾，消息量仍然很多，特朗普要求國會修改紓困法案﹔英國雖疫情變種，但脫歐方案卻有進展，幾近達成協議。再加上美國昨晚首申失業救濟人數勝預期，美股昨日初段輕鬆做好。不過，尾段特朗普否決《國防授權法》，顯示白宮與國會的矛盾加大，又有不明朗因素，道指升幅顯著收窄；標指升幅幾乎盡失，納指反覆破頂後倒跌，但指數都係反覆，未有大作為，都係捉板塊捉股至重要。
我們昨日大滿貫，好多愛股都爆升。大家知ATMXJ，近期我最愛小米#1810，尋日爆發；點解爆我講過，最大原因佢係反壟斷法的最大受惠者，再加上恒指新建議劃一權重上限為8%，令佔比近10%的友邦#1299及騰訊#700的權重將會削減，而阿里巴巴#9988、美團#3690的佔比將進一步提升。這個消息對於小米、美團構成進一步刺激。小米股價接近創辦人雷軍當年的豪言，要讓上市首日買入公司股票的投資者「賺一倍」，我們正好放紙鷂。
我尋日都已講唔使擔心新能源嘅需求面，仍睇好，新能源無問題，亂咁炒先係最大問題，搞得掂，唔怕高沽低摣，否則不如細注長摣，但始終都係我近來首席看好的板塊。隔晚美股太陽能股及ETF再度集體大升，JKS晶科能源漲，太陽能股中，SunPower，第一太陽能，Enphase能源，SolarEdge，Kensho清潔能源ETF-SPDR(CNRG)及全球清潔能源ETF-iShares(ICLN)都飆升，再加上國家能源局早前提出明年中國風力發電、太陽能發電新增1.2億千瓦的目標，風電太陽能，可再生能源及光伏馬上升到爆。
光伏發電龍頭#6865福萊特玻璃、#1108洛陽玻璃、#968信義光能佔據升幅榜前列，風能的龍頭#2208金風科技也順勢破頂。硅料類龍頭#3800保利協鑫能源和光伏電站龍頭#451協鑫新能源更暴力拉升近四成。這些股都係我近日摯愛，有些我炒出炒入，有些就暫揸唔放，總之中美領導人都睇呢個市場我就對此不離不棄，這一場盛宴記得一定要出席。今日得半日市，唔會寄望今日，但嚟緊要扒冷，可留意#1250北控潔淨能源能否追升破頂，以及整固了幾日的#658高速傳動。
愛股#2333長城汽車仲日日破顶一去絕塵，除了前兩日講的橙TANK，又推出“檸檬混動DHT”效應，高度集成的多模式混合動力，還計劃在推出Level 3自動駕駛，產品將配備激光雷達，而Level 4自動駕駛產品將於2022年亮相。不斷創新推出領先產才能在競爭極大的EV市場屹立，但股价升成咁，唔敢加祇有繼續坐。
另外#305五菱汽車，業績亮眼，9月MINIEV銷量達14,495輛，10月20,631輛；11月33,094輛，成爲今年內地新能源市場中唯一單月銷量破三萬車型。當前市值才63億，依然屬於低估。
你又發展新能源車，佢又發展新能源車，鋰必受関注，美股LIVENT，SQM因與LGES簽下長期大單，雅寶(ALB.US)等持續上升。中國國內碳酸鋰價格也不斷上漲，市場傳聞稱贛鋒鋰業鋰產品全線提價10%，一直關注的#1772贛鋒鋰業勢不可擋，不過呢幾日升幅過大，在假期前我食半留半。
寫極唔會完，寫多一樣，線上雲計算也受到刺激，#2013上次即市陰被局走，昨日破頂上返車，他的微商城和智慧零售兩大解決方案正式接入QQ小程序，並開放首批商家內測，值得期待。此外，沉寂一排的#354中軟國際也出了亮麗陽燭、#3888金山、#268金蝶國際、以及#856偉仕佳傑等，唔怕坐冷板凳，都係另類扒冷之選。太多股了，#235/#860都未寫，嘩，夠鐘，出住咁多先。
士佳說 - 張士佳 舊文
來源 source: http://skycheung.weebly.com