士佳說 - 張士佳 2021年1月26日
【#士佳說 】張士佳：駕馭北水，成功關鍵
【#士佳說 】張士佳：駕馭北水，成功關鍵
好在尋日叫大家睇SUN CHANNEL 訪問我條片，講既NUMBER好大部份都升，其中保利協鑫#3800升28%，東岳集團#189升16%，希望大家有買。
節目入面既連續方法亦講中了，連續不創高兩天也很難，昨日升穿了29888，我同學員講明揸CALL，指數CALL昨日升600幾，可喜可賀。騰訊#700，美團#3690，阿里巴巴#9988我都有call，數量無指數咁多，但升成9%咩都夠。
上星期提左你既北水pattern繼續，逢早抽一抽，中間上上落落，二點前開始跌，三點再上力。當然，日日係咁，真係唔洗做，但花無百日紅，今日回來抽一抽，我又會食些糊，成日食，邊有咁多食。其實唔難，例如你用100萬來玩,每賺夠8萬就食8萬糊，維持倉位100萬，咁又無增加風險，又無減倉太勁，如真的很怕，每升夠8%就平12% ，如此類推，就係金字塔式減注，唔難做。
風高浪急，食少多覺訓，尋日美股上開升到傻，個資產好似火箭咁升，我唔理了，分享比同學聽，我食D先，我食了1/4，當時離最高點約兩分鐘，跟住倒水曾跌432點，雖然後尾收復番失地，但如果唔係吼升既時候食，高位跌落黎500幾點，一定斬在個底，始終都要食D食D，昨日開始食，港股都會借今朝炒上又調一調個倉。
北水來去如風，昨日淨流入又差不多200億，側埋科技股一邊，最誇#700終過$750，我上次話$800，以為好高，現在大行隨時鬥吹高，我無咁好氣，逢高食D食D，唔信巨無霸可以變氫氣球，始終有地心吸力，反而#388就無得唔熱捧，成交又3000億，但奇怪#1428唔升，FUTU在美國係利害，但耀才都應該痴高位，奇怪。
嘩！除左氫氣股，我地其他股都爆，上堂學生個個笑逐顏開，市場都幾縱我地，先前提大家#1211配股要吼，配了，尋日就爆頂，始終有4億北水淨泡入，比亞迪#1211對尋日我話缺芯作出了回應，其生產的IGBT芯片，除自用外，仲可外銷，而家車「興」飛天，呢隻我隨它走，唔食了。
長汽#2333亦公布了淨利增兩成，疫情下都提早完成全年目標，仲有氫氣業務發展中，坐#708恆大仲誇，單日升逾50% ，本身市值唔細，急升後升至4000億市值，車都未真見過，市值已大過磚頭，係咩概念？內地暴力概念囉，唔識呢D概念未來好蝕底，我好少理，佢癲，我同佢炒即市，一半過市，今朝抽高，高沽低揸，無人信但佢升，你點都要炒，駕馭內地資金就係陪佢癲，故仔當童話，比佢地早走。
蘋果周三公布業績，尋日率先炒高，銷量約2.2億部，可留意舜宇光學#2382能否受惠，美股本周有13間成份股，111間標指成份股派成績表，CHOK係必然了。
美股方面，TSLA突破900，但NIO XPEV都回，似反覆多，芯片技術影響一切，講技術BIDU在AI係中流砥柱，上周大家炒RLX忽略了GME ，話股比香榭看空，我同事用我地堂上的反常心法博入，一日升倍幾，希望佢今日仲蒲頭番工！講開RLX，我都有小炒，但昨日思摩爾#6969已預示跌勢，結果一番黎，就黎個學生好熟的5分鐘pattern，大家散水了。
最後，多謝咁多人喺SUN CHANNEL FB 投我一票，最喜愛股評人，不枉我每朝六點鐘爬起身，同你哋寫篇SKY說。
士佳說 - 張士佳 舊文
來源 source: http://skycheung.weebly.com