士佳說 - 張士佳 2021年1月7日
【#士佳說 】張士佳：現階段點做功課？
【#士佳說 】張士佳：現階段點做功課？
尋日個市個股都唔易炒，少些功力都給CHOK下馬，一開市傳來物管好消息，住建部要求加強物管功作，鼓勵不同領域延伸，嘩，所有物管都起動，我手上有碧桂園服務#6098，同兩隻半新物管，勢頭唔錯，比亞迪#1211又升，小米都算開得高，誰知小米一開就最高，開始下跌，#1211都被帶動穿底，時間尚早，才開市十多分鐘，手上貨咁多，即時走位食食食。
很多時，這些行動很多散戶們臨場會不知所措，唔知走咩好，唔知走唔走好，因怕走完買唔番，因怕唔走錯失個頂？總之怕、怕、怕。
如果你有這個怕，証明你做唔夠功課，我地做功課，係要準備好幾個WHATif
憑現場情況，照單執藥，才不致生亂。
最低限度，你要知道是大調，崩盤還是小震，望你未必會感受，但做落你就會知多些，點做？有冇睇嚦咕嚦咕打麻雀呀，學劉德華噉睇，童子？打得，索子？打得，萬子，都打得。像上述的物管，我見市回，#6098利潤有兩成，食，呢頭食完，隔10分鐘又穿頂，不是一隻，幾隻物管都係，物管！唔死得！放番，搵機會買多隻永遠都升既。
再睇其他，ATMX，小米跌，開市係最高，但M開市係最低，換馬啫，ATMX唔死得！
新能源車吉利#175，比亞迪#1211跌，但長城#2333及五菱#305，東風#489升，又係板塊中活動啫，新能源車，唔死得。
新能源？幾隻創新高後無力，但無大跌，差些，新能源今日（1月6日）無動力，錢暫流走，當時臨上午收市，市仍在跌，我批市是小震，即時同學生分享，呢D短期震盪黎啫，唔洗擔心。
LUNCH我馬上找出走的錢換到哪，我相中了它，一番黎望多十分鐘，係它了，遂同學生講「大笨象」。再過20分鐘，鎖定今日之星，除大笨象外，物管教育，唔太差，後面情況點，大家清楚了。
其實，昨日市有升有跌，唔好唔差，肯做功課，就有回報，像我12月29日同大家講，航運股，到農曆年就淡季，炒埋呢浸就收爐，叫大家做功課，就知我講邊隻，昨日終揭盅，#316由12月29日到昨日6日升3成，我收爐了，走了大半，見$100走埋佢。
如果係呢刻，知道要做功課，但又唔知點做，一定猜到係廣告時間喇，我會講「係時候報班了」Sorry!唔係，人地早早standby左，快開班了，我哋唔使hard sell。你想讀，請standby，下班才有機會。
廣告時間完畢，咁都會預先過些料比你既，唔識做功課，最低限度，要將手上股分兩類１）打死唔放２）打死唔坐，一見風吹草動，走２，仲唔夠？走埋１，但只係走位，一日兩日內唔跌，或見有番日內買盤，買番１，咁你就唔會在此兩極市中甩左。
執筆之時，美國跌完升，升完又跌，聽講國會好亂有大型示威，仲有人命傷亡，美股回調。人命傷亡，不能兒戲，但心情歸心情，投資還投資。套用羅富齊名言：「當血灑街頭，買！」我睇會反覆挑戰第一站29000，致於點利用反覆，於乜最好，就睇你或睇我功力了。
士佳說 - 張士佳 舊文
來源 source: http://skycheung.weebly.com