士佳說 - 張士佳 2021年2月10日
【#士佳說 】張士佳：祝大家得心應手，明日休息一天
【#士佳說 】張士佳：祝大家得心應手，明日休息一天
尋日年廿八大豐收，下注最大的#3800升17%，非常happy，在A股升2%的支持下，港大市反覆上升，美股亦連創新高，美派錢造通脹，短期令市場亢奮。
尋日寫#1024快手有得炒炒，佢認真比面，升15%，收盤後快速納入恒綜，恒中指，先前叫學生用唔痛的注碼來揸，如果唔聽話，重注左，$340跌落$285，跌15%以上，肯定輸左，股票不是鬥下注多，而係鬥贏得多，要羸得多，不是買得大羸得大，因唔同買大細，一揭盅就完，投資係「走地波」，經常係對人性既大挑戰，現在#1024如能回一回，再突破，我會再炒多轉。
協鑫#3800大升，未知是財技，還是顆粒硅的成本優勢，我已重注，由sun channel JAN 9第一次提及，由$1.5升到昨日嘅3.7，我昨日無咩加注，齋享受已經很不錯，協鑫#3800大升，帶動部份光伏有反應。像做光伏玻璃的信義光能#968沉寂多時，如能陽燭突破$20，我考慮再上車，福萊特#6865 福耀玻璃#3606比信義強勢，不妨持有，洛玻#1108係我堅持持有的玻璃，前兩者，我反而有走位，相信抖完氣又會衝高；而我手上無#451，其5億美元債重組計劃獲多數債權人支持。收市後再折讓14％批股來還債，變相債轉股，財技公關兩了得，無話可說。
上面說到協鑫帶動光伏，快手亦帶動了視頻股，我昨日說赤子城#9911叫大家回一回買，昨日做長下影，唔知你有無上車?除了它，學生最開心，就係我地搵出來的#82第一視頻，呢隻蟹股，最靚係個名，希望佢真係變身喇。我0.5x入，轉眼已到0.74，今日會食半留半，蟹股炒炒可以，博變身，不能全注博；另有隻，我坐緊艇的輝煌明天#1351，做了支長下影底，再穿投降了。
ELON MASK 講完COIN，我入了栢能#1263，昨日升到$5，一日升近5成，我$4.x食糊，始終佢做既唔係真係BTC，只係做個掘金鏟，長遠受惠，短線唔會升咁多。先對同學有交代先，但呢隻股，又係插完，有得再炒之類。
MSCI公布結果，中國指數納入14隻，港股佔5隻，#909，#9922，#1995，#9633，#2013五隻我有四隻，唔難估，下集sun channel(1月19日)不如估下邊隻入恒指吧！
國家商務部或延續新車補貼，大隻既比亞迪#1211我揸住些，等運到，昨日有提的贛鋒鋰業#1772，就一直都揸，始終我的止賺信號，一直KEEP住佢，無叫止賺，無掟蕉皮，反而我吼緊隻#1114，上日澄清之後，無點跌，似乎空穴來風，我現無持有，過完年後回來再看看。
年終無咩休，明天年三，我抖下氣，放假一天，並預祝大家來年萬事勝意，身體健康，得心應手。
士佳說 - 張士佳 舊文
來源 source: http://skycheung.weebly.com