士佳說 - 張士佳 2021年3月5日

士佳說 - 張士佳 2021年3月5日


【#士佳說 】張士佳：市況急跌，你不知所措？給學生的分享，可作參考

【#士佳說 】張士佳：市況急跌，你不知所措？給學生的分享，可作參考



作為學生，對我睇淡，逢彈叫減的說法並唔陌生，前日外面的人話見底了見底了，今日睇番，荷包就真的見底了，先前提過期指見28039，當時好多人覺得天方夜談，現在點睇？

昨日在28950提了大家可睇好，29200叫食，交番個波比大家，食盡了僅有的反彈，到晚上大家寄望鮑威爾，我昨晚上堂時都未知佢講咩，但我睇幾淡的言論變本加勵，大家太看輕債息上昇了。

實力股都跌，好消息又跌，壞消息又跌，仲要前日炒上一千點再綁一班人先黎跌，十隻好隻，九隻都要靠邊站喇。

我手上既股唔多，想減都冇得幾多減，所以呢兩日都去咗打波，居然尋日都有隻升30％的山東墨龍，呢隻利是股好生性，至於另一隻#493就係時候鳴金收兵，在如此凶險時勢，算係咁了。

我因應大市走勢在高位叫大家出力地減，甚麼大媽契媽都不要理，但未必人人聽我講，就算聽都未必聽得夠徹底，手上仍有股的朋友，尋日同今日好多股都跌到臨界點，你雖已遲了，但再跌大家未必頂得住，若然跌多千幾點，到27XXX，你都未驚過，真正能合埋眼，任風吹雨打，可能捱得過，否則，你就要慎重審視你的倉，像#6969斯摩爾，我當日$60左右拍視頻，結果抽上＄90，唔知你有無食，無食的話，現在跌回＄60，昨日已應該離場，等下個時機才再上車。

強如#1211都一早中了”蕉後下跌”的止損，明明入梗下次恒指，但升前點都震下你，我從來唔介意入位高低，最重要入完乘勢上，現在逆勢無機會搭順風車，就要識用逆勢等撈，搵博該股番身的時機，現在肯定未到。

#3800顆粒硅是場賭局，見到通威大跌，有被顆粒硅威脅之嫌，證明係賭對了，但#3800自己也跌，可想而知市況沒多好。

新經不會死的，就只是要等，SAAS下一輪應發光，現在等機會。現在市況就得舊經了，真係要搏減存款準備金率，就買內銀，買不落手，我情願濠賭，不過整體嘅做法都係減持後觀望忍耐為主，畢竟要消化先前日日都升嘅熱門股，係需要時間，十日跌2000點就跌完，係太樂觀。

士佳說 - 張士佳 舊文

來源 source: http://skycheung.weebly.com