士佳說 - 張士佳 2021年5月12日
【#士佳說 】張士佳：賊佬試沙煲
【#士佳說 】張士佳：賊佬試沙煲
回顧2月19日當時做sun channel，叫大家小心大跌，當時指數在3萬點樓上，美團420幾蚊，騰訊$740，比亞迪$250，可能大家當我係財演亂嗡，而至尋日，美團240蚊，騰訊580蚊，比亞迪142蚊，期指雖有傳統股頂住，但由當時計都跌了2000幾。
市場分析，指美股因通脹及加息隱憂而大跌，港股跟隨外圍股市下瀉，其實一切都係藉口啫，一二月升太多，散戶以至基金經理槓杆太大發夢太多，宜家逐一斬倉先至係原因，尤其係TM，升咁多遲早要還。美團一月用個半月升6成，加多個「打手板」，宜家跌突係意料之內。。
一早講，大家唔聽，宜家冇乜特別好講。我唯有將尋日同學生群組對話節錄俾大家聽就知道我點睇。
我話聽話嘅就印印腳，講極都唔聽仲有好多貨嘅，宜家（尋日）冇理由斬貨，當日叫大家買定倉售保險先至好買股票，就係驚大家係恐慌嘅時候去斬貨，昨日就係其中一恐慌日，所謂創壽保險就係沽期指或者買定看淡大市的衍生工具。
有咗呢啲保護，我尋日就人哋斬倉我食胡，即時通知大家大家聽我食半淡倉，個倉唔多貨，係咁意補多少少股票，我都係買航運/醫美醫藥一體/煤氫一體/石油化學肥料/個別有色金屬等。
哩啲一路都有買開，趁市亂跌加返啲咁解啫，到個市開始反彈我反而食568山東墨龍，升咗4/5倍，市反彈，佢反而唔會無力。
宜家個市係升係跌，我未睇到，初步估。27503-27650 有些支持，所以尋日平半淡倉，真好有信心就唔會平半啦，都係賊佬試沙煲。
好多靚股已經跌到絕地250天線或以下，但我通常等肯定先至買，所以今日做功課多過炒，最多都係倉吉之下補下貨，等真正有信心，就算已經升返一兩成，先至出極都未遲。
士佳說 - 張士佳 舊文
來源 source: http://skycheung.weebly.com