士佳說 - 張士佳 2021年8月26日
【#士佳說 】張士佳：好在炒呢啲
【#士佳說 】張士佳：好在炒呢啲
經過連續兩日反彈後，港股昨日只係牛牛皮皮。儘管傳出美國就中美貿易問題進行檢討，亦傳華為獲批購買美國的汽車芯片，但也無助中港股市繼續反彈。尋日高開兩百點，到我先前講的阻力25800，跟返策略，減貨為主，觀察再謀定向。
科指再次跑贏恒指，雖然只是小幅跑贏，是本月第五日，算係較為正面的跡象，接住黎要觀察大市回落時的表現。
尋日有唔少股都高開低走，我就mark 低高開高走果D，反映那些唔太受大市影響，沽壓咁細，較易再升。
全日最強嘅係整個玻璃光伏及清潔能源個股板塊；洛陽玻璃#1108、福萊特玻璃#6865、中國玻璃#3300、信義光能#968、彩虹新能源#438均強力反彈，高開高收，買唔曬咁多我只繼續持有當中兩隻幾十及百幾億嘅玻璃。有消息指中美繼續將氣候變化加緊合作，全面落實聯合國氣候變化框架及巴黎協定，京能清潔能源#579，協鑫新能源#451等都認聲彈起，我手上只有一隻，不嬲有跟開嘅粉絲應該知道係邊隻。呢啲板塊都調整了一排，或是時候重拾上升趨勢。
電力股就只係整固了一日，電價連日來抬升，資金繼續捧場；以中國電力#2380表現最標青，五連升；華能#902、華潤電力#836、華電#1071都繼續升，但收市未過到前頂，美中不足，反而大唐發電#991有機。風電股整體亦向好，近來成日講嘅新天綠色#956算靚；龍頭龍源電力#916亦在從後趕上，我就繼續持有我節目中講嘅做風電太陽能的核電股。
氫能股東嶽#189尾市發力再破頂，北水的威力不容少看，但我就已經食咗大部份，呢隻股過往都係升到飛起嘅時候，突然調整，咁多嘢炒，又遇著減貨，點都要放棄一些，另外中集安瑞科#3899半年業績，同比增長接近50%，我miss 左炒即市機會，如今日陽升，睇吓轉唔轉錢落去。
仲有金陽新能源#1121，昨日升10%。公司2020 年 9 月話成功利用鑄錠單晶硅片製造高效單鑄異質結電池，轉換效率超過 24%，成本大幅降低咁話。呢啲野，我都係睇圖，憑邏輯睇資料，識鬼咩？純睇圖靚爆，估計新業務還未反映在業績，30号出業績，見真章前炒下算。
講咗幾個月，ATMX中，只有小米#1810較靚，業績超好，智能手機及生活消費產品海外銷售強勁，中期盈利增長近1.2倍，利潤均創單季度歷史新高。同時公布，收購Deepmotion Tech Limited全部股權，呢間公司拿手於輔助高級自動駕駛，為小米造車行出一大步。最搞鬼，又話棄用200萬的圓角標誌，又掀起城中熱話，廣告效應都賺曬啦，今日股價表現應係市場焦點。
最後講講，美國的預算案過關，將於9月27日為基建法案投票，都利好基建相關股，這板塊在美股還是港股，未係炒到飛起，都是值得留意的。
士佳說 - 張士佳 舊文
本文作轉載及備份之用 來源 source: http://skycheung.weebly.com