大茶飯│世茂服務低位配股買平貨（青冰）
大茶飯│世茂服務低位配股買平貨（青冰）
高位抽水做併購會買貴嘢，低位集資咪買平貨囉。
世茂服務（873）本周宣佈以先舊後新形式配股，每股作價15.18元，集資17億元，同時發行換股債，集資31億元，換股價是18.22元，年期只有約一年。世茂服務於
去年10月30日上市，當時集資57億元，但這一年來仲有40億元人民幣還未使用，所以今次集資消息傳出後，市場質疑是為阿媽世茂集團（813）而抽水。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
世茂服務在半年業績時披露，手持現金有56億人民幣，長短債加埋只有十零億，換言之現時是淨現金水平，有市場分析指，作為世茂集團的附屬公司，在業績時可合併財表，令到年結時的現金數更加靚仔，財務睇落更健康，再者，現時世茂服務股價處於低位，比招股價16.6元還低，配股並非最佳時機，既有攤薄效應個配股價亦唔靚。
阿媽世茂集團財務佳
市場如是說，但我們試從另一個角度去看。內房業現時在困境，相信全世界都知，不少內房都身處水深火熱中，有啲連還息都無錢，不過世茂集團情況有冇咁大鑊呢？截至半年結，世茂集團仍身處三條紅線之上，所謂紅線，分別是1)剔除預收款後的資產負債率大於70%，2)淨負債率大於100%，3)現金短債比小於1倍，按半年業績顯示，世茂集團的資產負債率是68%，淨負債率是50.9%，現金短債比率是1.9倍。當然啦，紅線無事，市場未必當佢無事，但從現時世茂集團的債券息率顯示，市場都覺得佢無乜事，由最早的2022年7月到期至2031年到期的債券，息率大致都是6.5%，當然同央企華潤置地（1109）的兩、三厘比，係高了不少，但融創中國（1918）的息率是十五至廿幾厘，如果覺得融創最終都會無事，咁世茂集團真係好穩陣了。
至於現時配股價處於低潮，不是配股時機，這話說得沒錯，但年頭股市最旺之時，世茂服務上市未夠半年，係無得配股的，所以高位cap水只有碧桂園服務（6098）做得到。低位配股個價係唔靚，但你個價低，同業的估值一樣是歷史低位，要出手買嘢壯大業務，這可能是最佳時機，你睇碧桂園服務連番出手收購就知係咩料啦，高位抽水做併購會買貴嘢，低位集資咪買平貨囉。
國務院副總理劉鶴日前話，房地產市場出現個別問題，但風險整體可控，刺激昨天內房及物管急彈，想要博嘅自然是融創系，但要瞓得安樂，世茂系應是不錯的選擇。
青冰
http://www.fb.com/chingbing888
本欄逢周五刊出
大茶飯 - 青冰 舊文
本文作轉載及備份之用 來源 source: http://hk.finance.yahoo.com