士佳說 - 張士佳 2021年10月6日
【#士佳說 】張士佳：係炒呢D
【#士佳說 】張士佳：係炒呢D
前日士佳說，臨尾特登加插一句，告誡大家， 話而家係返趨勢時代，一跌穿底就會彈，昨日指數開市破一年低位，就真係即刻彈俾你睇，由最低23643 ，市彈五六百點，識買的話股先最靚，冇得呃你十年八年，兩日即刻見效。
開市弱勢原因係美債再升，對科技股估值產生了抑壓。記得之前債息抽高對科技的震撼力，但係當時科技股喺高位，騰訊700蚊，而家得450，相信債息既impact已經減低左好多。不過尋日ATMXJ都要跌，阿里#9988同小米#1810更曾經跌穿底，拖低了指數。
其次是內房花樣年#1777，有2億美元票據未還本金，市場再度擔心內房資金鏈問題。不過相信花樣年規模較細，能牽連的影響相對於恒大債事件較低，只是市場情緒不穩，內房股反彈後回跌，呢啲都係炒下玩下算，唔好亂放子彈，子彈梗係留返比資源。
昨天救場的主要就是能源及資源股；OPEC+決定維持11月原定增產計劃、不會超量增產，WTI原油創近七年最高。而且即將進入冬季，後疫情對石油需求進一步增加，原油大有機會突破80美元。中國石油#857 及中海油#883有機會返去疫情前的價格咁話喎，都唔知真定假，但我就留意下d油服股，中海油田服務#2883，中石化油服#1033、安東油服#3337，尼d一升會抽得好誇張。
美國天然氣價格屢創新高，亞美能源#2686亦同時創新高，有啲細隻的石油天然氣能源股華油能源#1251、中石化冠德#934、尤其係宏華#196等都可以關連下，另外，獲阿聯酋公司鑽桿供應合同的海隆#1623都爆升五成一，呢隻太誇張就等吓先。
油復炒下啫，真正驚人嘅資源係黑金，消息指印度煤炭價格升幅嚇壞人，而且煤炭庫存爲零，超過半數的電廠的庫存不足三天。其實內地電力股一下子全線急跌，其中原因是限電市要用貴煤去發電，現在煤炭已經成爲稀缺商品，我叫佢做黑金。港股煤炭股升得幾全面，大隻的有中國神華#1088、中煤能源#1898，內地咁凍，同步過冬。
呀，寫漏咗句，＃860 一早提咗你關注，今日出新聞自己睇，食唔食自己決定了。
士佳說 - 張士佳 舊文
本文作轉載及備份之用 來源 source: http://skycheung.weebly.com