士佳說 - 張士佳 2021年12月17日
【#士佳說 】張士佳：豐收等過聖誕
【#士佳說 】張士佳：豐收等過聖誕
尋日指數一度跌穿近期低位，我睇好唔睇淡，話收低過23104先講，結果連夜期爆升咗五百多點，勁和味。
先講內房，明顯係內房戴番個指數上嚟，尋日一開波已經鍾意融創，初時先見到世茂#813有回購消息，跟住融創#1918又拉升成6-8%長輩關顧，梗係買臨死嗰啲，但係呢啲都係炒下，轉身梗係等紫尺以下出買入訊號; 跟住到物管，物管股回勇帶動下指數V彈回升轉向。有大行預期12月的銷售額有提升，其他內房物管股也有跟隨回升，估計市況並未太差，皆因之前兩次大市穿底有所反彈，都係由於內房回穩反彈而帶動，近期中央對於房企融資亦有所寬鬆，暫時只係逢低炒，真正轉勢再話你知。
今浸加上生物科技股擬受到美國對中國藥企實施制裁，但生科股急跌後回升。藥明生物#2269用5億美元回購股份，話目前運營一切正常，全日急彈11%，拉起同系藥明康德#2359及其它葯企也有反彈；尋晚美國制裁名單出左，無藥明份，呢啲股我一樣只炒即市，長線唔博住。
電力新能源煤炭等活躍。尋日提到國內知名的火電發電企業大唐發電#991再升7%，創兩年多新高。 風電龍頭#916龍源電力及電力設備股；如電力基建股中國能源建設#3996，都有突破。威勝控股#3393也升到5%，原來有消息與中國電力#2380，共同開發新能源及光伏農業、儲能、綠電交通及物流運輸服務，圖表率先反映，再升等食，食完會吼位再入，新能源呢啲就係長線嘢。
此外，尋日文章已經有提焦點離不開煤股，兗州煤業#1171即日放量股價全日爆升兩成四，公佈除了現有煤業優勢，還發展新能源，風電、光伏及配套儲能等新能源開發建設。當中包括氫氣供應能力超過每年10萬噸，咁多項發展完全配合國情及現時當炒主題，股價當然大升；連神華#1088及中煤#1898也大幅抽高，#1088回一回再抽高會關注，1171就已食半留半。
尋日解釋左成條新能源產業鏈有序發展咁炒，下一步自然輪到制氫氣然氣等相關。氫能股再炒，今日主力睇住東方電氣#1072及中集安瑞科#3899；連濰柴動力#2338都升得不錯。各新能源企業開始互相加強風電、核能等方面合作，創造資源互聯互惠強化板塊鏈。
氫氣與燃氣概念股多時同步現炒作，先有轉型智慧能源的港華燃氣#1083、北京控股#392及山東墨龍#568都開始在潛龍勿用。山東墨龍#568第二次大陽燭拉升2成幾，我呢隻2021年利是股，我$8食完未入番，觀察緊，今日陽燭升穿5.15，再諗諗。
英國英倫銀行因通脹問題，出乎意料地宣佈疫後加息，匯豐#005系ADR爆升，難道聖誕要買匯豐？不過始終在外圍收水張情況下，新經濟股都要比較弱，尋日納指跌幅都多過道指，咁就開始留意舊經濟股，銀行金融工業基建，#3311我講咗好耐，超過個幾月，一直慢慢創新高，另外，我早前提學生嘅軍工股，近日都有收成，國企混改，關注軍工國企混改的投資機會，#317中船防務或#2357，大家再做下功課。
士佳說 - 張士佳 舊文
本文作轉載及備份之用 來源 source: http://skycheung.weebly.com