渾水專欄│說服自己遠離股票（渾水）
渾水專欄│說服自己遠離股票（渾水）
熊市之下，千祈唔好急著撈底，遠離報價機。
我有一位同學今年是這樣過的。他金融背景，搞IPO，今年年頭市況非常好的情況下，他趾高氣揚，整個人充滿自信，散發極強的正能量。老實講，當時的我也是這樣。我相信，大部份人都係
咁，成條街不停吹捧年輕股神。
美股、外匯、加密貨幣免費即時報價，自選投資組合獲取相關新聞提示。
當時他對後市睇得非常正面，首先他買了阿里巴巴（9988）。然後，他在科網熱潮下IPO買進了快手（1024）。當富途證券跌穿$100的時候，他買入富途證券。
現在我不敢打擾他，只希望他能夠好好調整心理。因為大家都知道呢三隻股票已經跌到趴街。股票投資損失之外，今年下半年IPO乏善可陳，相信他今年收到的預期bonus也不會像之前咁可觀。
熊市勿急撈底
每一次牛熊周期交換，總要好似說書人念經一樣，把一些防守，自我心理調節的道理講一次。道理其實好簡單，但係大家都做唔到。然後，每一次我都要重複做一次，有時我都做唔到。
熊市之下，千祈唔好急著撈底，遠離報價機。這些簡單的理論，大家都識，但係偏偏大家都做唔到，所以行為經濟學和投資心理學才能成為一個體系龐大的學問。
經過幾次經驗，我現在盡量遠離報價機，遠離股票相關的東西，多點看書，行畫廊，聽演唱會。現在資訊引誘太大，很多人喜歡看網台睇嚇有咩股票炒，結果冇辦法做到遠離報價系統，忍不住又出手，結果無限輪迴。
渾水
本欄隔周刊出
渾水專欄 - 渾水 舊文
本文作轉載及備份之用 來源 source: http://hk.finance.yahoo.com