樓市不好要買新樓
樓市不好要買新樓
樓市不好要買新樓
有年輕朋友見近日有不少劈價蝕讓成交，打算首置上車，但發覺物業代理給他睇的單位，不但沒有偏離市價，而且質素不佳，根本買唔落手，他不明白內裡乾坤，但又恐防蘇州過後冇艇搭，所以問一問我現在是否應該買樓。
我的答案一如往日，如果是自住兼
負擔得起，又唔需要俾辣招印花稅，的確可以買樓，至於現在點解沒有優質單位，其實並不是沒有，而是服務他的物業代理沒有那些單位，就算有，都首先給了一些熟客考慮。無可否認，在市場上放售的優質單位很少，對於樓市是一個利好訊息，代表樓市並不太壞，如果市場上滿佈賣唔出的優質單位，唔使專家分析，大家都知道樓市有危機。
現在買樓一定要等，除了價錢之外，單位質素更加重要，如果唔等得而出手，可能不用太久，有其人用更少價錢，買到更優質單位，就非常揼心，有人會質疑，如果現在唔買，萬一樓市U型反彈，咁就會損失慘重。老實說，這些事，冇人夠膽肯定，最好不要問其他人意見，按自己需要來進行，因為如果質疑別人的意見，那人亦會請你按自己的意願與能力來決定是否買樓。
我有一個很怪理論，就是樓市市況不佳，反而要買新樓，因為打算賣樓的地產商知道，如果出售一些不好的單位，銷售情況一定不會理想，結果會影響整個樓盤未來走勢，倒不如攞一些比較好的單位出售，只要售價合理，一定會有不錯成績，對樓盤有積極性口碑，所以我認為如果現在一定要買樓，不如考慮買新樓，可能會有意料不到的收穫。
作者為紀惠集團行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk